انخلقنا بمشاعر لا تكبت حالك
مين الي حكى انو الرجل حجر ومابنجرح ، مين اقر مبدا الثقالة ومين حط انو الي بتقدم خطوة جريئة سيء ومجازف
للاسف انا خسرت والدي وبتندم عكل لحظة اني ماكنت احكيله اني بحبه بتندم اني مابينتله كم هو مهم عندي ، هاذ مش غلطي هاذ غلط الي علم ابوي انو مايعبر
ابوي ماطان يتغزل بامي ولا كان بحكيلها بحبك (قدامنا) كان يستحي بس كان يعبر بطرق ثانيه بطيبته وحنانه بانو يعمل الاشي الي بنحبه ويشتريلنا شو بنحب
ابوي اخذني حج بعمر ال ١٥ سنه انا وامي لانو امي بنفسها فخلالها كان خايف علي او على امي نضيع والموضوع كثير موتره فعصب شوي ماعرفت اقدر وبينتله خوفي بس على امي لاني ماتعلمت وهاي موقف من مليون
ومع الاسف بلشت مشاعري تنفجر بس والدي صابه سرطان اكتئبت وانفجرت وبطلت اتحمل صرت محتاج حد يسمعني سواء ذمني او مدحني ومع وفاته زاد ندمي وحبي وشوقي وركزت انو راح الي كان يستاهل حبي ويستاهل كلشي منيح بهاي الدنيا واكتشفت كم الهم الي عليه كاين كبير ومابعرف كيف يحكي ، امي الله يطول بعمرها اقرب حد اله وكثير بحبوا بعض بس حكتلي بعد وفاته كنت بتمنى ابوك يشاركني مشاعره . مات وهو مش مرتاح بوخذ ادوية نفسية كل هاذ لانو فلاحين زمان كانوا ارجل واقوى وحياتهم اصعب وكانوا يتحملوا
مس العكس تماما وحياة الحاضر اسوا
ومن بعدها تعرفت على بنت الله يبعدها اشد البعد عني علمتني كيف اطلع اكثر من حالي ازعل واحب واعصب واطلع حرتي لدرجة معينه بس بحياتها مافهمت شعور انك تكون متعود على اشي صعب
لا تكبت حالك بين مشاعرك بين انك بتحب وبين انك بتكره لا تكون حجر ماتكتم مشاعرك عشان واحد عنده مقدار الزلوميه انو يكتئب شوف اكيد مين الإنسان ااصح الي بتحبه الي حيقدر حبك وحيقدر مشاعرك لا تكون صنم
يارب اي انسان مقدم على الزواج يحب ولاده ويبين حبه الهم يبفهمهم شو هم بالنسبه اله ويخليهم يحكوله شو هو بالنسبة الهم ، يعلمهم الصح ويبعدهم عن دائرة الفراغ النفسي