مرحلة دخول البعد الخامس
في هذي الايام الاخيره قاعده تدخل بشكل عام الارض للبعد الخامس
فيه ناس تختلف عقليتهم و كل مخلوق و بعده
1- البعد الاول ، الجماد و الاشياء الي مالها وعي ابدا مب حيه
2- البعد الثاني ،الحيوانات ، حيه ، لها وعي بشكل قليل لكنها ماتفهم ولا تتطور فكريا الخ..
3- البعد الثالث :- بشر
بس للحين ورا مخاوفهم من النقد و الاختلاف او التميز و معتقداتهم و اديانهم و تقاليدهم و الروتين المتكرر و القمع
و اشبه للبعد الي قبله لو نسوف اشياء مماثله لصفاتهم
يمثل لهم حالة راحة اكثر مع عدم رضى بنفس الوقت ماعندهم وعي فكري عالي او انهم لازم ضد احد او احد ضدهم بشده و عقليتهم تنعكس على واقعهم و يحسبونه شي عادي عشان كذا لازم نتفادى الافكار هذي و نركز على اجتماعنا كبشر كيف بنطور من نفسنا اكثر و الجوانب الايجابيه و كيف نتعامل مع نفسنا و حالاتنا النفسيه .
4- البعد الرابع هو محاوله بين الوصول من الثالث للخامس كمرحله انتقاليه و متلخبطه بين الاثنين و هذا الي غالبا تمر فيه الارض الان من بعد تطورها من بشر كانو في نفس البعد الي كانو فيه الحيوانات من قرون بعيده .
5- البعد الخامس اخيرا ، كبشر لهم تطور ووعي عالي عصر يمتاز بالتطور فكرياً و جماليا و طاقيا
الفرد يعرف يفهم نفسه و الي حوله باحساس ترابط مع العالم و تعاطف، بعد الجنة و التوقف عن انتظارها و الشعور ان الحياة لها معنى نحدده و نطوره و نوقف تعلق باشياء قديمه لان التعلق هو اساس المعاناة و ننمي مخيلتنا بدال مانهمشها و ننساها مع القوانين المفروضه الي حتى مانعرف اسبابها و كيف بتفيدنا و هي اساساً مب لمصلحتنا و نبدا نتسآءل اكثر .
مع وجودنا بالبعد الرابع حالياً قد توجد في هذي الفتره طاقة نوم عجيبه يفضل ما نتجاهلها و نعطيها حقها ، احلام كثيره حتى بفتره قصيره ،
تأثير مانديلا لانه فيه تداخل بين الابعاد فقد تتغير اشياء جايتنا من بعد ثاني .
من افضل الاشياء انه نحاول نزيد من وعينا و نلاحظ التغيرات الايجابيه الحاليه حتى لو ما انتبهتو لها فعليا لو صارلكم موقف خلاكم تشوفون انه الوعي قاعد يزيد يفضل تكتبونه ولو كان اي شي بسيط
ولو تقدرون تبحثون اشياء زياده عن الموضوع