دايم اسمع باللعبه هذي ولا قد تعمقت فيها، الي فهمته هو يكون مثل التحدي بين اكثر من فريق وفيه نقاط اذا رسمت شخصيات الفريق الثاني وفيه اشياء واجد ونظام نقاط بس هل فيه احد منكم جرب اللعبه/التحدي هذا وهل يستاهل؟
يكيتش سريع سويته للتحميه، افكر اضبطه زياده واكمله كرسمه كامله. أتمنى يعجبكم.
هذا مقطع لشخصية اعجبني تصميمها وقررت ارسمها بأسلوبي وقلت بشارك رسمي معكم لأني اشوف الصب مزداد جمال. أتمنى الرسمه تعجبكم.
هذي رسمه لثعلب ماء في الفضاء. جتني الفكره من فتره ولا جاني وقت اشتغل عليها وكل شوي كنت اعيدها بالأخص النجوم. النجوم سويتها في بليندر وقعدت اعدل عليها اكثر من مره واجرب ألوان مختلفه لين ثبتت على شيء عجبني. أتمنى الرسمه تعجبكم.
هذي مجموعة سكيتشات على السريع رسمتها عشان اتدرب ارسم وضعيات افضل وفي نفس الوقت احسن مستوى وسرعة رسمي لأني كنت دايم ارسم شخصياتي واقفه ويطلع شكلها ممل وايضا اطول في الرسم بسبب اني ابي كل خط في الرسمه يكون مثالي بزياده بس يوم شلت الخوف/الهم هذا من بالي وانا ارسم صرت اخلص سكيتشاتي في حدود ساعه بدال آخذ وقت طويل. أتمنى سكتشاتي تعجبكم.
السلام عليكم جميعا، عندي استفسار بخصوص المحتوى الفني عندنا. وين ممكن احصل معلومات اونلاين عن الفن العربي بشكل واضح ومعلومات عن الحضارات القديمه عندنا. حتى الأشياء الحديثه مثل عن الحيوانات والنباتات والبيئه بشكل عام هل عندنا مصادر رسميه ويكون اغلبها صور توضيحيه؟ واذا فيه عندي سؤال ثاني للمهتمين بالأعمال الفنيه عندنا.
لي فتره افكر ارسم اشياء اكثر فيها لمسه من ثقافتنا وبيئتنا بس المشكله ما ابي اعمالي تطلع كأنها هبه او تكون رخيصه مثل الي يسوي شيء عادي ويحط شعار السعوديه ويقول عمل سعودي او يحط شيء من ثقافتنا بالغصب ويطلع شكله غبي. وش تشوفون افضل طريقه ممكن اجمع فيها اشياء من حضارتنا وثقافتنا في اعمالب بدون ما يصير الموضوع كأنه محشور بالغصب او مثل ما ذكرت كأنه هبه. قد سويت كم عمل بفكره من عندنا واحس انها اعمال فاشله. يعني مقصدي كمتابعين للأعمال الفنيه او فنانين وش افضل طريقه اجمع فيها اشياء من ثقافتنا في اعمالي الفنيه مستقبلا بدون ما تكون كأنها محشوره بالغصب او كأني اتصنع.
للي مهتمين بالموضوع وحابين يساعدوني انا تركت البوست بدون صور عشان تدخلون حسابي وتشيكون على اعمالي وكيف اقدر اطبق عليها هذا الشيء. ما بغيت انزل صور في البوست هذا لأن ما ابي العينات الي تشوف اسلوب رسمي وتتهجم بدون تفكير يجون يخربون النقاش هذا. وسلامتكم ^^