u/Fennecfo

ماشفتش إلا قط واحد شكله حوالى ٦شهور بسبستله وهزيت الكيس جرى ورايا لحد المكان اللى باسيب فيه الأكل جنب باب مسجد. حطيت الكيس على الأرض واستنيت لما بدأ يشمشم فيه سيبته ورحت اشترى حاجات ومشيت حوالى١٠٠ متر لماركت. وعند الماركت ببص تحت رجلى لقيت الاستاذ 😂 اتاريه ساب الأكل وجه ورايا. قلت يمكن قط شبهه فامشيت شوية لاقيته جاى ورايا بردو. رجعت تانى عند المسجد ووقفت جنبه وهو بياكل وبقيت زعلان وانا باسهيه عشان امشى. معلش يا استاذ عندى أستاذة زيك فى البيت بس عجوزة وغير اجتماعية وخلقها ضيق مع اى كائن فى مقاسها