ببساطة القصة للأشخاص الي ما سمعو فيها. بتول علوش من جبلة و عم تدرس بجامعة اللاذقية و مستأجرة غرفة بالسكن الجامعي متل معظم البنات. اختفت المخلوقة و الكل فكرها مخطوفة بعدين نزلت صورة ورقة مكتوب فيها انو هي ما مخطوفة ولكن اعتنقت الإسلام السني و هاجرت. الناس ما اقتنعت قامت طلعت فيديو مرتدية فيه الحجاب الشرعي مؤكدة على فكرة اعتناقها الإسلام السني و هجرتها بعيدا عن اهلها و دراستها. طلعوا اهلها بفيديوهات تاكيد انو هيك تصرفات ما بتطلع من بنتن و انو هي مخطوفة و مجبورة.
سؤالي كالتالي: ١- مين برايو مخطوفة و مين برايو هربانة
٢- تشعيل هذه القضية بهل وقت مع جميع المشاكل الداخلية هل ممكن يكون سببها التغطية على شي تاني و اشغال الناس بالمشاكل الطائفية بدال تردي مستوى المعيشة
٣-بالقانون السوري، هل يحق لمراة غير متزوجة ان تهرب من منزلها بحكم انها ليست قاصر ام انها ما زالت في عهدة اهلها و يجب على الامن العام اعادتها لهم ان لم يثبت انهم يعنفونها جسديا او نفسيا.
نرجو النقاش العقلاني من دون اتهامات طائفية غير عقلانية.