ضريبة التقليد: ما وراء نمط الحياة الغربي
توضيح بسيط: هاد الكلام مش ترويج لأي فكرة أو ممارسة معينة، هو مجرد قراءة ومناقشة للواقع.
بما إننا صرنا نطبق نمط حياة الغرب 'بالمناحي'، ونقلد أسلوبهم حرفياً بكل تفاصيل حياتنا؛ من ساعات الشغل والروتين اليومي، للأكل، للثقافة العامة وغيرها.. نسينا إنه هاد النمط تحديداً بيخلق ضغط نفسي هائل وأمراض نفسية لا تنتهي. هم هناك بيحاولوا يفرغوا هاد الضغط بطرق كارثية مثل المخدرات والكحول، لدرجة إنه الموضوع صار متغلغل فيهم من الصغير للكبير.
صار 'طبيعي' تلاقي طالب جامعة معه رقم الديلر، أو حتى تحضر حفلة شغل وتشوف مدير أو شريك طالع من الحمام وآثار المواد المخدرة على ملابسه!
الفكرة اللي بدي أوصلها عشان ما حدا يفهمني غلط: أنا مش عم بروج لهي السموم، أنا بسأل سؤال جوهري.. إحنا ليش من الأساس متبنيين أنظمتهم وطريقة عيشهم إذا كانت هي النتيجة؟ اكثريتينا مضغوطين جدا من الحياة والشغل الي نسخناه عن ثقافات اجنبية وفعلينا جزء كبير منا وانا اولهم مش عارفين كيف نفرغ الضغط الي عنا!