الوالدة عندها عملية، مدة العملية ساعتين تقريبا ولكن بتجلس بالمستشفى يومين تنويم عشان يتاكدون من سلاماتها، المشكلة ان كلنا عيال وبمنطقة بعيدة ف مافيه بنت ممكن ترافق معها والموضوع مضايقني والله اخاف تحتاج شي هل المرافق ضروري ولا انا مبالغ؟ والصدق انا اول مره يمر علي احد من العائلة يسوي عملية فماني عارف كثير بطريقتهم بالمستشفيات
قدمت كثير على جهات للتدريب الصيفي ومحد رد علي للاسف وفكرت اني اقدم بشكل يدوي بس ماني فاهم كيف ادرعم عليهم على طول واذا رحت لهم اروح للموارد البشرية ولا اروح للقسم اللي ابي اتدرب فيه ماودي انحرج لاني ماقد دخلت اي شركة بحياتي
بتدرب امن سيبراني اذا كان له علاقة
لاحظت بعض الناس اذا فاتته ركعات بالصلاة ما يصليها بشكل صحيح،
مبدئيا عندي ملاحظة ان البعض يقوم يصلي اللي فاته والامام ماخلص سلام وذا غلط وقد تبطل الصلاة، الصحيح انك تنتظر الامام لين ما ينتهي تماما ثم تقوم تصلي اللي فاتك
اما بخصوص الموضوع الاساسي؛ لاحظت ان بعض الناس الله يهديهم اذا فاتته ركعات في صلاة الجماعة يصليها غلط بحيث انه يترك تشهد او يزيد تشهد وكذا، مثال: شخص فاته ركعتين من صلاة المغرب، قام وخلص الركعة الاولى وبعد السجود قام بدون تشهد وهذا غلط طبعا، او مثلا فاتك ثلاث ركعات من صلاة العصر فتقوم تخلص الركعة الاولى بدون تشهد والركعة الثانية والثالثة بتشهد يعني بنفس صفة صلاة المغرب وايضا هذا غلط
الطريقة الصحيح انك تعتبرها تكميل لصلاة الامام مو بس تؤدي الركعات وخلاص، يعني فاتك ركعة خلاص انت حط ببالك انك صليت ركعة من الصلاة وكملها عادي كانك تصلي لحالك، يعني مثلا فاتتك ركعتين من صلاة المغرب اعتبر نفسك انك صليت ركعة لحالك ( اللي هي الركعة اللي لحقت عليها ) وبعدها كمل ركعتين كانك تصلي لحالك بالضبط يعني تشهد والركعة اللي بعدها تشهد
الصراحة احس اني قصرت في طريقتي لتوصيل المعلومة فارجوا منكم اذا فيه احد حس انه مو فاهم اي نقطة يعلمني اوضح له بشكل افضل