u/ExistInShadow90s

Hey yall. I'm from a very strict country that it can get me life or hanged for smoking not only growing😅

Plus it is very hard and dangerous to buy here so I want to start growing my own.

My question is will my family or neighbours smell anything or what? I can move out to a private place (maybe rent a studio apartment) so how discreet is the process of growing knowing that I am risking my life, but don't worry I will never tell a soul that I'm growing.

I have to do it cuz I can't live here with my depression and anxiety plus I love it so much so don't judge please.

بعيدا عن الدين بس بما انه هنا ناس واعية وفاهمة فخل اطرح هذا الكلام هنا.

يا اخي مليت من المجتمع هالفترة، وخاصة محتوى البلوكرية والمؤثرين والترندات السخيفة الي ديأثرون بيها على الناس بشكل مو طبيعي. المشكلة مو بس بالمحتوى التافه، المشكلة إن هذوله صاروا واجهة المجتمع ومصدر أفكار للمراهقين والبنات والولد الي بعدهم ديبنون شخصياتهم وفهمهم للحياة.

هسه أي ترند يطلع الكل يركض يسويه بدون تفكير. نفس اللبس، نفس التصوير، نفس الكلام، نفس الآراء، حتى طريقة الضحك صارت نسخ لصق. تحس الناس فقدت شخصيتها وصارت تخاف تكون مختلفة حتى لا تطلع خارج القطيع. الناس الزينة مختفية بسبب ذولة.

والمصيبة الأكبر بعض البلوكرز الي صاروا فجأة خبراء علاقات وزواج وهم أكثر ناس ديخربون مفهوم العلاقات. وحدة من مشاهير الانستا (خبيرة علاقات) تكول البنية المفروض أبد متشارك بالمصروف حتى لو راتبها أعلى من الزوج زين ليش دتشتغلين لعد؟ تجاوب بكل ثقة حتى أدلل نفسي وأشتري ماركات والانثى تستقبل متنطي! زين هنا الرجل رح يكلج لعد والمساواة الي تريدها؟ اني هم اشتغل لنفسي ومالي علاقة بالبيت وهنا انهجم البيت بسبب فكرة من مشهورة تافهة نزلتها عالانستا وهي مو فكرتها الاصلية اكيد مستنسخة من احد ثاني.

زين مو غلط الإنسان يدلل نفسه ويستمتع بفلوسه بالعكس هذا حقه، بس ليش نحول هاي الأفكار إلى قوانين ثابتة ونزرعها بعقل البنات والمراهقات وكأن أي علاقة لازم تمشي بنفس السيناريو وكأنو العلاقات كلها متشابهة!

شنو يعني إذا واحد مر بظرف صعب أو أزمة مادية؟ شلون رح يطلب مساعدة من شريكته إذا هي متربية على فكرة إنه (مو شغلتي أساعد واقدم واني انثى لازم استقبل بس!) العلاقات مو منافسة ولا استغلال من طرف واحد العلاقة الطبيعية بيها سند متبادل حسب الظروف.

وأصلاً وين راحت المساواة الي ديحجون بيها؟ ليش المساواة تصير فقط بالأمور المريحة والحقوق، لكن بالمسؤولية والتعب والتضحية تختفي؟

إذا الرجل مطلوب منه يصرف ويحتوي ويتحمل ويساند ويشتغل ويتعب… فليش صار عيب إذا احتاج يوم من الأيام دعم نفسي أو مادي من شريكته؟

تره العيب مو بالمشاركة، العيب بالأنانية. العيب إن الإنسان يعيش لنفسه فقط ويتوقع الطرف الثاني يموت نفسه عليه بدون ما يشوف منه وقفة حقيقية وقت الحاجة. والأنثى مسوية فضل على الرجل بس لان قبلت بيه وعايشه ويا!

وأني أصلًا وية الرجل الي يصرف ويدلل ويهتم واكره البخل بشكل مقرف، بس ضد تحويل العلاقات إلى قوانين جامدة يقررها بلوكرز همه أصلًا عايشين على الترندات والمشاهدات. كل بيت يختلف كل شخص يختلف، وكل علاقة إلها ظروفها الخاصة.

حتى موضوع (علم الطاقة) والتنمية السطحية صار كارثة. أي شخص يحجي كلمتين إنكليزي ويصور فيديو بإضاءة مرتبة صار يفتي بالعلاقات والنفسية والزواج وكأنه عالم اجتماع. وبالأخير المراهقين وحتى بعض البالغين يصدكون هالكلام وينصدمون بالواقع الحقيقي بعدين.

العلاقة الحقيقية مو ترند، مو مقطع 30 ثانية، ومو حرب بين الرجل والمرأة. العلاقة شراكة، مودة، تفاهم، وتحمل للطرف الثاني بأيامه الزينة والمتعبة. أما هاي الأفكار المتطرفة الي ديزرعوها هالفترة، فديخربون جيل كامل أكثر مما ديصلحوه.

الانثى تستقبل و الرجل يقدم شهل خريط هذا بابا خلو الناس تعيش طبيعي بدون هذه الامراض والرجل العاقل يعرف شنو دوره والبنت العاقلة تعرف شنو دورها ولهذا السبب هواية علاقات فشلت بسبب العقل المغسول.

مرحبا، هم اكو شقق استوديو ببغداد يعني تكفي نفر وتكون نظيفة وجديدة مو تعبانة ومنطقة تعبانة.

داأكتب رواية (فكشن) بيها جانب فلسفي وإحدى الشخصيات الثانوية الي كتبتها هي (موون) ولقبه "عابد العقل"

موون ليس مفكر تقليديا، بل صاحب عقيدة حادة تتمحور حول فكرة واحدة: العقل ليس أداة… بل سلطة.

يرى أن تاريخ الإنسان مليء بما يشبه المعجزات، لكنها ليست كذلك. كيف توصّل إلى فهم الذرّة دون أن يراها بعينه؟ كيف حول الصوت إلى إشارة تُنقل عبر الهواء؟ كيف ابتكر وسيلة تجمد لحظة من الزمن داخل صورة؟ بالنسبة لموون هذه ليست إنجازات تقنية، بل دليل على أن العقل يتجاوز حدود الحواس، ويعمل في مستوى أعمق من الواقع الظاهر.

ولهذا السبب، يرفض موون اختزال العقل في كونه وسيلة تحليل. هو يعتقد أن العقل لا يكتفي بفهم العالم، بل يعيد تشكيله. ما لا يرى يمكن للعقل أن يثبته، وما لا يمكن تحقيقه اليوم قد يصبح ممكنًا بمجرد أن يُفكَّر فيه بالشكل الصحيح.

هنا تتبلور فكرته الأساسية، إذا كان العقل قادرًا على كشف المجهول وخلق الممكن، فهو لا يمكن أن يكون تابعًا لأي شيء آخر. إما أن يكون نبيًا يهدي إلى الحقيقة، أو إلهًا يُطاع بوصفه المصدر الأعلى للمعنى.

موون يظن أنه تخلص من الإيمان التقليدي، لكنه في الواقع أعاد بناء إيمان جديد أكثر صرامة. إيمان لا يعترف بالعاطفة، ولا يقبل التناقض، ويقيس البشر بمدى قربهم من “نقاء العقل”.

شخصيته باردة، دقيقة، وقاسية في أحكامها. لا يرى نفسه متطرفًا، بل يعتبر أنه فقط أخذ المنطق إلى نهايته الطبيعية. وهذا ما يجعله خطيرا.

اكو بعد تفاصيل بس ماريد احرك.

شنو رأيكم

انتو تدرون انه هواية من المعجزات أو القصص المذكورة بالأديان السماوية إلها جذور بأساطير وقصص قديمة جدًا، تم استنساخها او اعادة صياغتها وتطويرها بعدين؟

طبعا استخدمت الذكاء الاصطناعي جوة حتى يرتب الكتابة

أسطورة الخلق (إينوما إيليش):

الأصل: أسطورة بابلية تصف نشوء الكون من "العماء" المائي والانتصار على التنين "تيامات".

التطوير: تتشابه مع بدايات سفر التكوين (فصل المياه، وجود الغمر، وخلق الجلد)، لكن مع استبدال الصراع بين

الآلهة بقرار إلهي واحد.

أسطورة "أدبا" (الجنة والخلود):

الأصل: قصة بابلية عن "أدبا" الذي يفقد فرصة الحصول على الخلود بسبب نصيحة خاطئة.

التطوير: تتقاطع في تفاصيلها مع قصة آدم وحواء في جنة عدن وفقدان الخلود بسبب الأكل من شجرة معينة.

أسطورة سرجون الأكدي (الطفل في السلة):

الأصل: تحكي أن أم سرجون وضعت طفلها في سلة من القصب مطلية بالقار وألقته في النهر لينجو.

التطوير: تشبه قصة النبي موسى ووضعه في اليم ليجده فرعون.

ملحمة جلجامش:

الأصل: ملحمة جلجامش تتضمن قصة الطوفان عبر شخصية أوتو-نابشتيم الذي ينجو من كارثة كبرى ببناء سفينة.

التطوير: تتقاطع مع قصة النبي نوح من حيث التحذير، بناء السفينة، إنقاذ الكائنات، وانحسار المياه.

أسطورة أيوب البابلية:

الأصل: نص بابلي عن رجل صالح يعاني من فقدان ومصائب ويتحمل الصبر.

التطوير: تطورت إلى قصة النبي أيوب كنموذج للصبر

والابتلاء.

وحتى قصة المخلص الي يجي آخر الزمان وينقذ البشرية مثل الم@دي والمsيح هم اساطير قديمة كلش وموجودة بأكثر من حضارة قديمة

رأبكم💀

العقل الجمعي أو تأثير القطيع ظاهرة نفسية اجتماعية تعاني منها كل المجتمعات، مو بس العراق. نلاحظ أن هواية من الناس يتأثر رأيهم بغيرهم ويتبنون آراء وتوجهات حتى لو هم أساسا ضد الفكرة. مثل تعليقات السوشل ميديا، هواية ناس يتأثرون بأول تعليقين ويبدؤون يعلقون بنفس الاتجاه، سواء كان إيجابي أو سلبي.

همين أكو ناس تكون موجودة بكل بوست، لكن ميعلقون بالبداية، ينتظرون يشوفون آراء الآخرين حتى يبنون تعليقهم على نفس الخط أو قريب منه.

بس مننكر ان العقل الجمعي يكون مفيد احيانا، لأنه يكدر يحفّز المجتمع ويتحرك باتجاه أشياء إيجابية، مثل حملات التبرع أو دعم قضية إنسانية، أو حتى نشر وعي سريع حول موضوع مهم.

برأيي، المشكلة مو بوجود التأثير نفسه، لأنه طبيعي، لكن الخطورة تكون لما الاسان يلغي تفكيره الشخصي بالكامل. التأثر ممكن لكن لازم يكون بحدود. إذا صار الشخص يعتمد فقط على رأي الأغلبية بدون ما يفكر أو يتحقق هنا يتحول إلى مجرد تابع للقطيع.

مهم لازم ننتبه أن السوشل ميديا تضخم هذا التأثير لأن الخوارزميات تبرز الآراء الي بيها اكثر تفاعل، فتخليها تبين وكأنها الحقيقة او رأي الأغلبية، بينما ممكن تكون مجرد موجة مؤقتة او شيء مو صحيح.

الحل مو ان الإنسان يعزل نفسه عن آراء الآخرين بس يكون عنده توازن مثلا يسمع يقارن ويفكر وبعدها يكون رأيه بنفسه. بهالشكل يظل عنده وعي مستقل بدون ما ينفصل عن المجتمع.

وتأثير هذا الموضوع جبير كلش بالنسبة لموضوع الاديان.

مرحبا. اريد اشتري جهاز اما لابتوب او تابلت. شغلي هو برامج الاوفس وذكاء اصطناعي وكتابة وقراءة.

التابلت اريح واسهل بالحمل والتنقل وشكلة احلى.

اللابتوب عملي اكثر واقوة اكيد

شنو رأيكم والي مجرب جهاز معين ممكن اسمة