u/Every_Expression_497

مرحبا مين هون اصدر جواز سفر اردني لاول مرة عن طريق سند؟ عم بحاول بس ما بزبط معي بدي مساعده

بدي اطلع جواز سفر لاول مرة، بقدر اطلعه عن طريق تطبيق سند؟ بقدر احمل صورة من عندي للجواز ولا لازم زي الهوية اروح هناك اتصور؟

شو شروط الصورة ؟

مرحبا جماعة،

عنجد محتاجين نصيحة لأنه الموضوع صارله سنين ومش عارفين شو نعمل.

جيرانا من حوالي ٥ سنين بدخلوا على سور دارنا وبسرقوا من شجرنا. بشكل يومي وقت الموسم. الأم نفسها بتعطي بناتها أكياس وبدخلوا يلقطوا كل إشي.

قبل كنا نحب نوزع خير على كل الجيران، وكنا نعطي صناديق من كل شجرة. بس هلا من كتر ما هدول البنات بيلقطوا، ما ضل إلنا إشي. حتى الثمر وهم لسا حجر وما استوى، بوخدوه وما بخلّوا شي، والشجر بتكسر.

حكينا معهم كثير، مع البنات ومع الأم، وما في أي فايدة. والأب أصلاً ما إله دخل، ووضعه بالحارة اصلا مشبوه.

لو تشوفوا منظر البنات، شعر منكوش وملابس مبهدلة وحافيات. ومو قصة فقر بالعكس العيلة معروفة كثير والها سلسلة مطاعم وما في شك انها الهم او انه معهم مصاري لانه العيلة كلها من الجد الاكبر جيرانا وكلهم منعرفهم منيح، وجربنا نحكي معهم بس ما فرق كمان.

الموضوع قاهرنا أكثر لأنه أمي بمستشفى السرطان، وكنا دايماً نبعتلها من ثمر الدار لأنه صحية اكثر وما فيها مبيدات حشرية. هلا ولا حتى حبة وحدة عم توصلنا.

وكل هاد موثّق بالكاميرات.

شو الحل برأيكم؟ لو شاكينا بالمحاكم بفرق اشي؟

وصلنا لمرحلة نفكر نقطع الشجر ونخلص.

أي نصيحة بتفيدنا 🙏

مرحبا جماعة،

عنجد محتاجين نصيحة لأنه الموضوع صارله سنين ومش عارفين شو نعمل.

جيرانا من حوالي ٥ سنين بدخلوا على سور دارنا وبسرقوا من شجرنا. بشكل يومي وقت الموسم. الأم نفسها بتعطي بناتها أكياس وبدخلوا يلقطوا كل إشي.

قبل كنا نحب نوزع خير على كل الجيران، وكنا نعطي صناديق من كل شجرة. بس هلا من كتر ما هدول البنات بيلقطوا، ما ضل إلنا إشي. حتى الثمر وهم لسا حجر وما استوى، بوخدوه وما بخلّوا شي، والشجر بتكسر.

حكينا معهم كثير، مع البنات ومع الأم، وما في أي فايدة. والأب أصلاً ما إله دخل، ووضعه بالحارة اصلا مشبوه.

لو تشوفوا منظر البنات، شعر منكوش وملابس مبهدلة وحافيات. ومو قصة فقر بالعكس العيلة معروفة كثير والها سلسلة مطاعم وما في شك انها الهم او انه معهم مصاري لانه العيلة كلها من الجد الاكبر جيرانا وكلهم منعرفهم منيح، وجربنا نحكي معهم بس ما فرق كمان.

الموضوع قاهرنا أكثر لأنه أمي بمستشفى السرطان، وكنا دايماً نبعتلها من ثمر الدار لأنه صحية اكثر وما فيها مبيدات حشرية. هلا ولا حتى حبة وحدة عم توصلنا.

وكل هاد موثّق بالكاميرات.

شو الحل برأيكم؟ لو شاكينا بالمحاكم بفرق اشي؟

وصلنا لمرحلة نفكر نقطع الشجر ونخلص.

أي نصيحة بتفيدنا 🙏