السلام عليكم، حبيت نهدر بالموضوع بشكل عام برك
للناس المسلمة:
سواء كنت "ماشي مهتم بالدين" او غيره. لازم تتقبل انك مسلم و جزء من كونك مسلم هو انو الامر بالمعروف و النهي عن المنكر شي اساسي بالاسلام
كاني فرق بين واحد يدخل في روحه فييك وواحد ينصحك،
ينصحك تصلي، ينصحك تقرا قرآن، تصدق. و هنا مهمتو تخلاص
نصحك حبيت تمشي بنصيحتوا محبيتش هناك تولي بينك و بين ربي
هذا الناصح يكون دار الدور لي عطاهولو ربي
صح كاين ناس يمكن يحاول يغصب عليك نصيحتوا، بصح كاين فرق بين تغضب من طريقة الحديث او من النصيحة نفسها لي معجباتكش.
و متنساوش رانا في بلد في اغلبية مسلمة
تسما كيما هنا متستغربش كي يجيك واحد ينصحك للدين، و خطين على ينصحك ماشي يضربك و يأذيك
مثلا رانا في بلد اغلبيته مسيحية، طبيعي جدا يشوفوني يحاولو ينصحنوني نحي الخيمار و البعض يحاول ينصرني الخ
مرة اخرى، نصح. ماشي يجي ينحيلي الخمار يضربني او يحاول يقتلني حتى
متنكرش الامر بالمعروف ياناس، المجتمعات تقوم على هاد الشي
رانا مجتمع مارانش عايشين وحدنا، كل ما تشوف حاجة غالطة سيي غيرها ايدا مقدرتش بيدك بلسانك ايدا ماشي بلسانك بقبلك
بصح متستحقروش، متأذيوش الناصح الطيب، راو المجتمع يقام على ذا الشي
و صح انا وحدة منحملش واحد ينصحني خصوصا خصوصا كي تكون طريقتوا عيانة، بصح مينداك نسنغفر نحاول نخمم في واش قال الكلام نفسه و ليس الشخص
اصلا في هاد الحالة نورمالمو تنصحوا تقولو اعرف كيفاش تنصح الناس xD
عسا ربي يهديني و يهديه
للناس غير المسلمة
بحكم اننا في بلد باغلبية مسلمة، احتمال كبييييير تلاقيتو ناس من هاد النوع يهدر بالدين و انت ماشي مسلم اصلا
هنا تقدر تقولو، بصح ماناش كامل ملاح احتمال واحد يأذيك.. و معليش حقك
هنا يا خويا.. ليكيديه و خلاص و ايدا اذاك حقك تاذيه راك تدافع على روحك. بلى ما تصتصغر منو "لكم دينكم و لي ديني"
مع اللخر شغل هدرة نفرغ قلبي، صراحة مكنت حابة نكتب باسكو مانيش نشوف روحي بالمستوى نحكي على هاد الموضوع بصح مقدرتش
سلاام