عن جنين الضفدعة سمير طيظو والمستفاد من قصته
من فترة طويلة كان فيه عيل أكيد ناس كتير منكم تسمع عنه إسمه سمير ليتو (شهير بكده يعني) المهم الواد ده عرف إنه يقدر يهدد اللادينيين والملحدين والمثليين وأي حد مختلف عنه ويحاول هو وشوية الصيع اللي معاه إنه يجمع معلومات شخصية عنهم ويتواصل مع أهلهم أو يشهر بيهم (ومش هو أول حد يحاول يعمل كده) ووصلت بيه النجاسة إنه جاب صورة بنت وحطها على صور عريانة بالبرامج إياها وقعد يشهر بيها وأتحبس بعدين بسبب الواقعة ديه، بعد كده البنت لسبب ما بقا أتنازلت..
بعد ما رجع بقا من الحبس بقا يتلم ويتربى ويخليه في حاله؟ لا طبعاً رجع للي بيعمله تاني سواء في العلن ولا في جروبات خاصة ومستخبية على الواتس والتيليجرام وغيرها...
لحد ما جاله القضى المستعجل، أكونت وهمي على الفيسبوك إسمه لبوبو الشعراوي مرمط بكرامته الأرض هو وعيلته كلها، ونفس اللي كان سمير بيعمله في الناس ويجمع معلومات عنهم وكده أتعمل فيه برضوا وجاب التهزيق لنفسه ولعيلته كلها فرد فرد فيهم.
هل أنا بدعم اللي عملوا لبوبو الشعراوي أو شايفه شيء كويس؟ الحقيقة أيوة وأنا على فكرة لاديني عندي مبادئ قوية وكده ولكن...
شخصيات زي سمير ليتو ده وكل من هو على شاكلته للأسف يعني مابيجوش خالص غير بالعين الحمرا وإنك تحاربهم بنفس الأساليب الرخيصة بتاعتهم علشان يقفوا عند حدهم.
ممكن واحد يقوللي طيب وذنب أهله إيه؟ ذنبهم إنهم سايبينه ومش موقفينه عند حده عن اللي بيعمله وسايبينه يأذي في الناس اللي بالمناسبة مش أقل من أهله في أي حاجه...
وكمان... واحد زي سمير ليتو مش هيبطل أذية في الناس غير بالأساليب ديه لإنك لو شتمته ولا سخرت منه ولا من شكله كده كده هو ماعندهوش دم وماعندهوش مانع إنه يتشتم ولا يتهزق لكن لما يلاقي إن الموضوع بيلمس حتى اللي حواليه وقتها بس ممكن يعيد تفكير هو وكل اللي زيه.
فعلشان كده أنا مبسوط جدا من اللي ورا فكرة الأكونت بتاع لبوبو الشعراوي وشايف إن ده موقف قوي وإيجابي جداً وسط مواقف كتير من الإختباء والجبن في المجتمع اللاديني، وأنتوا مش متخيلين قد إيه الناس اللي في صف سمير ليتو مضطربين وقاعدين يصيحوا بقا ويحاولوا يقفلوا الأكونت بتاعه ويبلغوا عنه ويقولوا ده بيسبب فتنة وبيزدري الدين وبتاع وكل مرة بيخسروا خسارة كبيرة قدام الشيخ الفاضل لبوبو الشعراوي 😂😂