ما أعرف شنو اكتب بس سالفتي طويلة
هلا شلونكم طبعا اني قبل سنتين جنت صف ثالث متوسط يعني عمري 15 جان جان عدنه مدرس إسلامية اسمة استاذ خالد محمد محمود اول يوم دوام والدرس الاول الإسلامية طبعا اني كاعد بنص بل رحلة الثالثة ف هو لمن فإت سلم وبدأ يشرح طبعا اني مصفر بل إسلامية يعني درجاتي مو زينه بيها خاصة انوا هي المدرسة أهلية يعني يا ويلك المهم بدأ يشرح وكمل و شرحة يخبل مشت الايام ويوم ورا يوم و اني انعجب بي أكثر واكثر حرفيا مثل المجلة كد ما تكتشف شي عنه تكتشف اشياء أكثر ذكي جدا ويعرف يتعامل ويه كل انواع الطلاب وجميل جدا صح جمالة طبيعي بس جماله حلو ياخي ف اني شديت حيلي وكمت أخذ درجات كاملة يمكن بس مرة اخذت 38/40 يعني ختمت الكتاب وصرت طالبة المفضل حتى مرات لمن يصير عنده شي او يدكون عليه يكومني اني اشرح حتى امتحان الشهر الاول جبت بي 100 والثاني 93 وحرفيا مو بس بل إسلامية حتى بباقي الدروس وكل هذا بس لانوه حبيته ما اشاقة بس ما اعرف ليش يعني ينحب فعلا ينحب حتى يعني الطلاب كلهم يحجون عليه لأن امتحاناته صعبة بس سهلة مي ما اعرف شلون بس هذا المعلم بي شي يجذبك له مادري بسبب تعاملة لو شخصيتة ف اني بدأت اسولف وياه مرات لو اطلع حجة حتى ادخل للإدارة واحجي وياه بس ما فاد أو هو ما فهمني وهنا لكيت طالب يصير ابن اختة بس بغير شعبة ف اني رحت صادقتة وبديت شوي شوي أسألة عن الأستاذ واكتشفت انوا هو مطلك و ما عنده اطفال وحرفيا سبب الطلاك لان زوجتة تريد تعزل وحدها وما كدرت تنتظر عليه سنة كاملة ولمن طلكته ب6 اشهر اشترى بيت 😂😂 بس لاحضت يوم عن يوم ابن أخته كاعد يسلك لي وكام اغلب الاشياء الي يكوله جذب ف اني هنا اندل بيته و اعتمدت على نفسي ف مرات افوت من بيتهم بل بايسكل لو افتر بفرعهم على أمل الكاه واحجي وياه وصدفة لكيتة كاعد بل باب وكاعد يدخن نركيلة ف سلمت عليه واني كاعد امشي بل بايسكل ووكفت وضليت أسألة عن الامتحان شوكت يخلص تصحيح بس علمود الكي حجة واسألة عن نفسة ف شفتة ضايج لدرجة راح يكوم ويضربني بطابوكة معدلة ف اني نزلت من البايسكل وطبيت للحديقة الي كاعد بيها هو ف ضليت اسولف وياه وكلمة على كلمة كلت له محمد ليش ضايج طبعا هو أنصدم مدري شنو استغرب لانوا اول مرة طالب يصيح له باسمة ف هو ضل ساكت يمكن دقيقة كاملة وبعدين كال مشاكل صارت عندي وراح انقل من هاي المدرسة هنا اني تمنيت لو ضاربني بل بلوكة ولا هاي السالفة ف ضليت احاول اريد اعرف شنو المشكلة بس ماكو كل ما افتح الموضوع يسدة بموضوع ثاني ف اني كلت له وين راح تنقل ف كال لي بمدرسة ثانية تبعد هواي عنة تقريبا هو احنا بالبنوك والمدرسة الي راح ينتقل الها بل سيدية يمكن ضليت كاعد يمة بل ساعتين يعني اني طلعت من البيت ب 11:30 الليل ورجعت 1 وربع طبعا ضربتني الكآبة ثاني يوم رحت كبل لابن اختة علمود ابوك لسانة وحاولت هواي لحد ما كال انوا زوجتى رافعة عليه قضية ما عرفت شنو القضية بس هو كال قضية جبيرة وعشائر بيها مرت اسبوعين واني كل ما احاول ابتعد عنه واكتم نفسي لان ادري بي راح يروح فجأة وما يرجع بس كل ما احاول ابتعد الكي نفسي اتقرب له اكثر وفعلا لحد الان اتذكر مرت الاسبوعين و فجأة يوم الخميس ما اجة ف عرفت انقل من ابن اختة اني هنا استسلمت بس بعد اكو امل احجي ويه اهلي اخليهم ينقلوني للمدرسة الي راح إلها وحاولت هواي هواي بس ماكو فايدة لان عبرت نص السنة 💔 ومع هذا ضليت كل يومية افوت من بيتهم لحد ما فعلا استسلمت للأمر الواقع وتركته وهسة اني خامس علمي بس لحد الان احبه اخخخ اتمنى يضل فرحان ومرتاح طول حياته