u/Empty_Ad_8378

1. أنا 19 سنة، والحمد لله مستواي في الإنجليزي كويس جدًا. أقدر أتكلم وأفهم بطلاقة، بس المشكلة إني عمري ما استخدمته في بيئة شغل حقيقية

أحيانًا بحس إن كل اللي اتعلمته ملوش فايدة طالما معنديش خبرة عملية أو مسار مهني واضح. كمان عندي صعوبة في المهارات الاجتماعية. لما أكون في جروب أو وسط ناس كتير، بحس بتوتر شديد وقلبي بيضيق، وده بيأثر عليا جدًا في الكلام والمقابلات 3. قدمت على شغل قبل كده وحاسس إني اترفضت أساسًا بسبب عدم الثقة في النفس وإني ما قدرتش أعمل انطباع قوي في المقابلة 4. أنا فعلاً عايز أطور نفسي (نفسيًا واجتماعيًا ومهنيًا)، بس مش عارف أبدأ منين بالظبط. 5. هل الإنجليزي فعلاً ممكن يفتح لي فرص حتى لو معنديش خبرة سابقة ؟ إزاي أطور مهارات التواصل بتاعتي؟ إزاي أقلل التفكير الزائد والتوتر أثناء المقابلات أو لما أكون وسط ناس؟ أي نصيحة أو تجربة شخصية هتفرق معايا جدًا