u/Electrical_Raise_536

السلام عليكم ، أول مره أكتب او استخدم ريديت بس حبيت افضفض يمكن احد يعطيني perspective مختلف. عمري ٢٧ ، وعشت طول عمري مركزه على الدراسه واهلي من النوع اللي يكافئونك على جهدك ، ويهتمون بالدراسه ويحبون يدعمونا بطموحاتنا ، من عمر صغير (١٧) ابتعث وعشت لحالي بكذا دوله وبعدين رجعت السعوديه اكمل ومازلت اسافر لوحدي او مع اخواتي او صديقتي وعايشه لوحدي بشقتي تقريبا من ١٠ سنين من اول مره طلعت من بيتنا ادرس، لمن رجعت ،اهلي عايشين بمدينه وانا بمدينه اكمل دراسه. يزوروني وازورهم خلال السنه بس حتى بالاجازات ما اقضيها عندهم كلها ، يا اخذ تدريب يا اشتغل يا اسوي شي يعني. اشوف نفسي مثقفه، متعلمه، جميله، طويله، اتكلم اكثر من ٤ لغات، وشخصيه يعتمد عليها ، عندي شغف للعلم والاكتشاف وشخصيتي ممتعه اقدر اسولف عن اي موضوع لاني احب ابحث واعرف، اجرب هوايات كثير وجربت اشتغل اشغال كثيره وانا ادرس عشان اعتمد لو جزئيا على نفسي وعشان احب اجرب تجارب جديده خارج مجال دراستي ( طب ) . خلال هذي ال١٠ سنوات كلها، ماحسيت فيه احد - خارج عائلتي - ينتبه لي .. حتى صديقاتي اللي الان تعرفت عليهم نادر اسمع منهم كلمه طيبه، وما اقصد اني ابغى اتنشن من الرجال بس بشكل عام لاحظت ماقيد احد عبر عن اعجابه ، انا من الخارج اظهر بمظهر هادئ جدا وما اتكلم كثير وما اختلط بناس كثير لاني حريصه على نفسي وبشكل عام انا كذا شخصيتي ،حرفيا دخلت جامعه جديده من سنتين ما اتكلم مع احد اذا ماكان عن دراسه او عمل جماعي يعني. لاني احب اعطي انطباع اني جديه والسمعه تسري في هذا المجال فاخاف على نفسي . بس عندي صديقه وحده ومن يوم تعرفت عليها والكل يحاول يقرب منها - الاولاد اقصد- وحسيت ان انا يتجنبوني تماما.. صحباتي بشكل عام يتلقون دايم الكثير من الاعجاب ويستاهلونه فعلا بس مرات احس اني غير مرئيه لأن انا بس اللي اشوف نفسي ؟ فاهميني ؟ Again , i know it sounds like i‘m seeking attention but i‘m not. I just feel unseen. ماني عارفه كيف اشرح الفكره. بس لمن تعيش ١٠ سنوات معتمد على نفسك وتسوي كل شي بنفسك لنفسك فجاءه تلاقي نفسك منعزل شوي عن المجتمع ؟ انا مو شخص اجتماعي اعترف يمكن بدايه عشريناتي كنت اجتماعيه جدا واسولف واساعد وادخل في الناس برا مجتمعي بس كل ماكبرت اكثر كل ماركزت اكثر على اني اشتغل على نفسي واحسني تلقائيا بعدت عن الناس. بس انا بنفس الوقت مو شخص closed off ، بالعكس اللي يكلمني ارد عليه واللي يطلب مساعده اساعده واللي يحتاج شي واقدر ليش لا ؟ ، بس من ناحيه الاعجاب والعلاقات مالي تجارب ولا اعرف ايش نظره الرجال لي ؟ ولا اعرف ليه دايم احس اني imposter يوم الخميس دخلت المصعد ودخلت وراي بنت ولفت علي قالتلي لو سمحتي ماشاء الله ملامحك مره جميله قلتلها شكرا الله يسعدك ، وقالتلي اتمنالك يوم لطيف زيك وخرجت . حسيت ايش هذا الموقف اللطيف ؟ اثر فيني مره ما اعرف ليش ؟ يعني انا اعرف نفسي مو انه ما اعرفها بس دايم احس اني غير مرئيه . بديت افكر يمكن انا اشوف نفسي افضل من الواقع ؟ يعني انا كويسه بس بخيالي وهذي كلها اوهام ؟ احس طبيعي بعمر ٢٧ اني افكر بالزواج بالذات اني بالمجال الطبي فيعني العمر بيخلص والدراسه ماتخلص.. و لا، ماقيد انخطبت بمجتمع اهلي لان اساسا محد يعرفني دايم مختفيه وما احضر مناسبات واجتماعيه و لا ما ابغى احضر لاني مو شخص اجتماعي. ولا ابغى انخطب بشكل تقليدي ودي على الاقل شخص يختارني بنفسه مو اهله، فاهميني ؟ ما اعرف .. المهم قلت بفضفض يمكن احد يحس بنفس احساسي او يفهمني . وكمان اهلي عادي مايهمهم الزواج مره ماعمر احد كلمني بالموضوع، دايم يقولولي عيشي حياتك عادي ، العمر مايوقف على وجود او عدم وجود رجال، اهم شي انتي سعيده وقاعده تحققين احلامك .. انا سعيده الحمدلله، بس ودي بشريك حياه ..وسلامتكم.