u/Either_Whereas495

في الشغل بتعامل مع اجانب كتير و اللغة الرسمية الانجليزية

طبعا لانها ما لغتي الام .. بلقى نفسي مرات بعاني شويتين في فهمهم او في اني اوصل فكرتي .. و الموضوع البسيييط بيكون زي المعقد لمن ادرسه بي لغتهم و بحتاج اكرره مرتين وتلاتة واربعة عشانافهمه كويس

بالمقابل لمن اشيل الكلام لي تطبيق ترجمة و اقراهو بيوقع لي سريييع بي قراية واحدة بس

حقيقة بحس اني زي المتخلف عقليا وفكريا قصادهم لمن اتكلم بي لغتهم .. وكأني بستخدم ٢٠% من عقلي وتفكيري .. لانو الباقي كلو مستهلكه في الترجمة والترجمة العكسية

هم كمان لمن واحد فيهم يحاول يتكلم بالعربي المتعلمو بيظهر زي العبيط والمتخلف و بالشدة بيوصل فكرته و بيفهمنا بصعوبة

حقيقي التعلم في الجامعات بالذات بي الانجليزي قاعد يضيع كتيير من مجهودنا الذهني وامكانياتنا للاسف