u/Economy-Pie-2561

أنا متزوجة وعندي طفل، وكانت علاقتي بخوات زوجي حلوة الصراحة بيننا احترام ومحبة وما قد صار بيننا أي مشاكل فجأة وبدون أي سبب واضح حسّيت إنهم تغيّروا علي بشكل كامل
صاروا يتجاهلوني بكل شيء، لا يعزموني ولا يسألون عني، وإذا أنا عزمتهم يعتذرون كل مرة بأي حجة. حتى بالواتس الرسائل أحيانًا تنقري بعد أيام، ووحدة منهم ترد بعد أسابيع بالسناب! مع انها تنزل ستوريات يعني عيني عينك
الشيء اللي صدمني أكثر إن وحدة منهم حملت وولدت وأنا ما دريت إلا بالصدفة من اخوهم زوجي لا هم قالوا لي ولا حتى أمهم علمتني، مع إني كنت أحسب نفسي من الناس القريبين لهم
اخر موقف كسر بخاطري مره شفت وحدة منهم بمناسبة وهي نفسها ما اشوفها الا كل عيدين بسسس وسلمت عليها عادي هلا والله كيفك شخبارك الحمد لله على سلامة أخوك تخيلوا حتى السلام ما ردته، لفت وجهها عني قدام الناس وكأني مو موجودة وقتها كنت بموت من القهر ادركت إن الموضوع مو مجرد أوهام أو انشغال واضح إن فيه تجاهل متعمد وحتى بعد مارحت قعدت من الصدمة اقول معقولة لفت؟؟؟
والله العظيم إني ما أذكر إني غلطت عليهم لا بكلمة ولا حتى بتصرف بالعكس كنت دائمًا أحترمهم وأقدرهم وأعاملهم بطيب واعزمهم واهديهم.
الحين صرت محتارة
أتعامل معهم كيف؟
هل أسحب نفسي منهم نهائي وأكتفي بعلاقتي مع عمتهم لأنها للحين طيبة معي لكن غريبة احس فيه احد يعبي راسها ثم تنتفخ وارجع اعزمها واسولف معها وتصير طبيعية
ولا أحاول أفهم السبب وأصلح الموضوع ؟رغم إني تعبت نفسيًا والله