البنت الي بحبها علي وشك انها تلحد وانا مش عارف اساعدها ازاي
دلوقتي انا اعرف البنت دي من تلت سنين وبنحب بعض واهلي عارفينها واهلها عارفيني وبس مستني اوصل السن المناسب واتجوزها
انا وهي متشابهين اوي بس البيئة الي كبرنا فيها لا انا اتربيت من صغري في بيئة دينيه وتعليمي كان ديني (ازهر) بينما هي بيئتها مكنش فيها دين الا حاجة بسيطه ممكن تعتبر اقل من اسرة عاديه بحاجة بسيطه (دلوقتي بقوا ناس كويسين دينيا عادي زي اي حد)
المهم لما عرفنا بعض كانت هي اكتر واحده متدينه في اهلها وتعرف ربنا عنهم وتعمل كذا وكذا فكانت ما شاء الله حلوه او وكنت مبسوط اني لقيت واحده زيها اخلاقها حلوه اوي وكل حاجة فيها حلوه المهم تعدي الايام كنت بحسها بتبعد كل يوم عن الدين بس مكنتش متأكد بس كانت بتكره الشيوخ عشان معظمهم بيطلع علي النت يقول كلام جهل وبيبقا غلط معظم الوقت وفيه عنصريه علي البنات اكتر وبيعيبوا في البنت عن الراجل ودايما يطلعوا البنت الي غلطانه (ودي حقيقه في مجتمعنا) فكنت دايما بحاول اقولها لو في اي سؤال في الدين تقولي عشان انا بفهم في الدين الا حد ما هقدر اساعدها وكنت فعلا بساعدها احيانا بس مكنتش بتتكلم كتير برضو كل فين وفين تتكلم
لحد ما وصلنا من يومين قعدت تقولي هتتقبلني لو غيرت ديني؟ قلتلها طبعا هتقبلك بس عشان بحبك هبقا عاوزلك الاحسن والاحسن الاسلام ومفيش احسن منه و قعدت اقولها وليه تغيريه وليه فضلت تسكت عشان خايفه اسيبها بسبب الموضوع ده بس قعدت احاول معاها لحد ما عرفت ان تفكيرها قادها انها تبقا عاوزه تلحد وحرفيا بقا بينها وبين الالحاد شعره انا ساعتها اتصدمت انها وصلت للمرحله دي وحسيت بالذنب واني لازم اساعدها وقعدت احاول افهم ايه الي وصلها قعدت تقولي اسئلة اجابتها كانت محتاجه حد خبير شيخ يرد بس انا عشان مش عاوز اخسرها ولا اخليها تخسر دينها قعدت ابحث واجتهدت عشان ارد عليها ورديت بس كل ردودي مأقنعتهاش معنها بالنسبه لي مقنعه جدا وانا في بحثي عشان ارد عليها ادركت ان الاسلام صح اكتر
بقت شايفه ان الدين ظالم للمرآة وانه نازل لصالح الرجال معنه محصلش وكل احكامهم واحكامنا منطبقه علي بعض بس بتمسك في حاجات صغيره زي لو حطيت عطر هتحط في الناس زي الكفروا وقتلوا؟ ونفس الكلام مثلا عن تحديد الحواجب وحاجات البنات دي بتقولي هبقا ملعونه؟ ودايما كل تفكيرها واسألتها الي بتشكك في الدين كانت جايه من ناس زي شريف جابر و قصي انا رحت شفت فيديوهات ليهم وحسيت باعاقه فكريه ولما بحثت وراهم لقيت كلامهم كله غلط وفي شيوخ رادين عليهم بالادله بس معرفتش ابعته عشان هتقعد تقولي مبصدقش الشيوخ ومعرفش ايه فقومت عشان ارد عليها جبت الردود بتاعت الشيوخ واتاكدت منها شخصيا وعملت الي عليا وكلمتها بس مش راضيه تقتنع وبتقولي انت كده بتسوء الدنيا اكتر
انا معدتش عارف اعملها ايه ولا اساعدها ازاي وحاسس اني بخسرها بحبها ومش عاوز اخسرها وعاوز اقف معاها عشان عارف ان مفيش حد ممكن يوقف مع الجنون الي بيحصل ده غيري اهلها ممكن يقتلوها حرفيا لو سمعو حاجة زي دي وانا املها الوحيد وهي لسا زي ماهي علي احترامها وعلي كل حاجة بس مش عارف اقنعها فبجد ايه الحل ممكن اجيب شيخ بيفهم ونسأله ولا نقعد نبحث ولا اهمل ايه بجد معدتش عارف؟