بالمختصر المفيد انا ماقد تزوجت وعمري ٢٥ و حبيت وحده اكبر مني بسنتين ومطلقه ولديها طفل. وكنت عارف انه ومقتنع اني مستحيل اتزوجها واهلي مستحيل يوافقون.
ورحت انفصلت عن حبيبتي وامي جابت لي بنت الحلال وملكنا. وعلى قد ما شفت زوجتي وتكلمت معها ورحنا وجينا سوا الا اني عجزت اشعر لها بشيء. ولم اجد نفسي معها. والحق ينقال البنت كربة اسرة وأم عيال ما شاء الله تبارك الله مافيها ولا غلطه. اللهم اني عجزت نفسيا اني اتأقلم معها وما تحرك فيني شيء ومن ناحية الشخصيه ما جذبتني لها ابد.
والان باقي على زواجي شهر و واجهت اهلي بالموضوع وسوو لي مشكلة كبيرة و معهم حق لاني بكون سودت وجههم لو طلقت الحين، زائد يقولون ليه خليتنا نزوجك وانت بقلبك احد ثاني لكن الحقيقة ما شعرت اني احب الاكس إلا بعد ما ملكت.
و ردة فعل اهلي وصلت إلى انهم يتبرأون مني لو ما كملت زواجي. وانا الان ما ادري وش اسوي. في مليون خيار بمخي. وخيار اني اكمل زواجي واخذ الاكس كزوجة ثانيه مستبعد. وللامانه ما اقدر أواجه زوجتي بهذا الشيء. والخيار الامثل هو خيار يخلي الانفصال يجي من طرف اهل البنت بطريقة مافيها سواد وجه