للشباب بس
شباب كيفكم
انا شب طبيعي زي زي باقي هل شباب
عندي مشكلة وحدة اني ما بصاحب غير الناس السقط بعيد عن السامعين
في شلتي صحابي حكو عني انه انا ساقط ومصلحجي وبخرب بيناتهم
والشاطر فيهم الي بحكي من وراي بس اجي كلهم تعظيم سلام وتحيات
يعني بيوصلني حكي من شباب انه فلان وعلان حكو عنك بس اواجههم بنكرو وبس اجمع الي حكا معهم بصير يحطو مبررات وانه انت فهمت غلط
عندي صاحب واحد مكفيني وشايفه قد الدنيا بيننا عشرة عمر يعني من يوم يومي صاحبه
بس هو نادر ما اقدر أشوفه هل فترة
كثير برنو علي الشباب وينك جهز حالك بدنا نطلع
بالعكس بكون مبسوط وهيك هيك بدي اطلع يعني تغييرة جو
بنطلع ب سيارتي كنا ب اغلب الاوقات
بالمرات الي ما بكون معي فيها سيارة بقولو اسمع بطلنا نطلع
انا بعمري ما اخذت من حد فيهن حق بنزين لانه عيب ومش بيناتنا ك صحاب لاني بعزهم و ١٥ دينار بنزين مش مخسر بالنسبة الي ع رفقة حلوة
بس كل ما اطلع معهم ب سيارة حد منهم مثلا او بيكونو موخذين سيارات اهلهم بدفع بنزين بقلهم هي مثلا ٥ بنزين بياخذو وما حد بقول لا
الموضوع مش مصاري بس فعلا المبدأ
وضعي المادي شوي مرتاح عن غيري
يعني لما اروح علبهم ما باجي ايدي فاضية
عزمتهم اكثر من مرة وانا مش مستني عزومة من حد انه يردها
بس مش حلوة اوصيهم مرة ع بكيت شبس يجي يحكيلي عليك بريزة حق الشبس
انا خسرتهم ل مصلحتي بعرف وانا الكسبان الشلة هاي جيعانة وكلاب فلوس
بس انا ك شب نفسي اعرف شو الي ممكن يخليني اخسر واحد بعمره ما قصر معي واصير احكي عنه بالعاطل والكلام كله كذب واسب ع امه وخواته قدام الغريب بغيابه يعني هل هي غيرة هل هو حقد هل الموضوع كبة بلا وانه انا حظي جابني مع ناس سقط
انا مسكت واحد فيهم ضربته والثاني اشتكيت عليه وهيه انحبس
كل يوم برنولي يترجوني بس انا بدي ياهم يتربو
البوست هاض نزلته عشان اسالكم بالنهاية
الشب بعث ل واحد وهو بطعم ع امي وخواتي وبحكي عني حكي مش منيح. انا قدمت شكوة وبعثت ل حالي السكرينات
هل اتنازل عنه واعمل موقف رجولي واكسر عينهم ولا اخليه يتمرمط ويتبهدل
انا عاز علي انه العالم بتحكي هيو اشتكى ع صاحبه وهذول صحاب واشتكو ع بعض وابصر شو
بس جد شو اعمل ساعدوني