u/DoctorALK

أرجو الجدية في الإجابة

إزاي يتخلصوا 400 صفحة في 5 أسابيع وتراجعوهم بعدها في أسبوعين بالله عليكم إزاي لأن بحسبها مستحيل الموضوع أصلًا إلا لو بذاكر 8 ساعات يوميًا هو المشكلة فيا إني ست لأن الصفحة تاخد مني نص ساعة في المتوسط ل8 مواد فيه بيزيد وفيه يقل بس ولا المشكلة إني مش بذاكر ال8 ساعات أصلًا ولا إيه معقول الدفعة كلها بتخلص وبتذاكر 8 ساعات وأنا الكسول بذاكر 4 ساعات

الموضوع أرهقني نفسيًا مش عارف هو أنا أصلًا الكلية دي مناسبة ليا علشان أنا معادلة أجنبية داخل الطب مش من ثانوي مصري بقول ممكن الموضوع إن مستواي مكنش قد الكلية من البداية على رغم بنجح بتقدير جيد علطول ونادر امتياز وجيد جدًا وبذاكر غالبًا نص المنهج وزيادة شوية أحيانًا 😞 أنا في ثانية دلوقتي

بفكر أحول والموضوع كبير عليا قبل ما أدخل الكلينيكال لأني حاسس إني مش هكون قده بس معنديش مكان ولا هدف أروحه غير الطب وأنا مش عايز غير الطب برضو وشايف إنه المهنة الوحيدة الممكن تحسن حياتي

وآسف على الإزعاج وهكون ممتن لكل حد يشارك ويعرفني إيه المشكلة وحتى شارك بمجهول الهوية وجزاكم الله خيرًا