وحده من الحاجات البحبها الونسه مع الناس الكبار
مشيت مع قريبتي لي وحده من جيرانها زمان في السودان مرا كبيره عايشه هي وراجلها وناس لُزاز** شديد يعن**ي
دخلنا في الونسه قعدت تحكي لينا عن بت خالتها زمااان راجلها أتوفي، البارت المضحك قالت راجلها كان كويس وعايشين مرتاحين لمن يوم مرض شديد ورقد في السرير فترة طويله، يوم جاتها وحده البيت ورتها انها مرتو وعندها منو اولاد لمن الراجل طول ماجاها سالت منو في السوق قالو ليها الزول دا راقد عيان، المهم جو اولادو زاروه وبعد يومين مات طوالي ولا لحقت توري زول. مرتو الأولى كانت زعلانه شديد طبعا انو عرس فيها ولسه مااتخطت الصدمه جاها خبر موتو، المهم عدت الأيام في الحبس ونسوان الحله جابو ليها التوب الأبيض الشربان (لازم يكون كدا وممنوع يكون ابيض نظيف عشان الحداد) وعلي العادات زمان الأرمله بتنوم في الارض لحدي ما تخلص الحبس حزناً** علي راجلها (خشمي خليتو للاستغفار) وطبعا النسوان المعاها بالليل وقت النوم ببيتو جمبها ويحاوطوها (ماعارفه السر كان شنو**؟)** المهم زولتنا كانت زعلاانه لي تعمل دا كلو وراجلها معرس فيها وكان عندها عرس بت خالها بعد تطلع من الحبس رسلت بناتها يجيبو كريمها من السوق وطبعا الوقت داك حرام تتمسحي وراجلك ميت خلي كريم**،** قالت بالليل بعد النسوان الحولينها ينومو بتطلع كريمها الداساهو وتمسح والصباح بدري تغسل وشها وتتوضي لحدي ماطلعت من الحبس والناس شالو حالها لانه المفروض تطلع مبشتنه والوش ضارب لزوم الحداد طبع**اً😂😂
طبعا عاداتنا من زمان فيها الحلو وفيها الشين لكن دي اول مره اسمع بالعاده دي وبقيت حابه اعرف اكتر شنو كانت عاداتنا الغريبه زمان والمغزي او (الأسطوره) الوراها شنو؟