u/Dependent_Cycle_4967

أولًا ازيكو عاملين إيه هخش فالموضوع على طول، انا بنت وعندي وحده صحبتي بوردرلاين احنا صحاب من الطفولة وكل وقتنا كا سوا لحد السنه دي او يمكن انا اللي كنت بعديلها كتير زمان بحكم اني صغيرة ومش فاهمه بالضبط اللي فيها، اول حاجه السنه دي لقيتها اتغيرت فشخ وبتتحسس من اي حاجه ولو قلتلها سر مش بتحفظ السر ده وتعمل حوارات وتدخلني فيها انا عشان اريح دماغي قلتلها يا بنت الناس فكك مني خالص وخلاص مش عايزة نبقى صحاب لو انتي هتكملي بالمنظر ده عشان انا خلقي على قدي لقيتها اتصدمت وكانت هتعيط ف سبتها ومشيت ف ف يوم كنا سوا مع باقي صحابنا وركبنا ف وهي بتركب وقعت فوقي انا زعقتلها عشان شنطتي كانت على حجري وفيها الفون بتاعي وقلتلها خدي بالك لقيتها انهارت وقعدت تبكي رغم كدة مفهمتش هي بتبكي ليه ومعبرتهاش والكل شافني اني ظالمه يومها ومعنديش ضمير، انقطعنا سكه 3 شهور لقيتها بترن عليا النهاردة رديت قالتلي هو انا إيه الغلط اللي طلع مني خلاكي تبعدي عني انا بكل بساطه فهمتها كل حاجه هي عملتها وقلتلها انا مش حمل حوارات و كدب ومشاكل ودراما انا فيا اللي مكفيني وانتي مش بتشيلي سر ومهما حلفتك الحاجه دي متطلعش بيننا الاقيكي تاني يوم قلتلي للكل وعامله حوار شكل انا بعدت عشان كدة قالتلي خلاص ماشي واتأسفتلي وقعدنا نتكلم نص ساعه ونرغي ف فكرتني لما زعقتلها وان هي قعدت تعيط وانا مديتهاش اي إهتمام وقالتلي انتي ازاي كدة وكنتي شايفه فونك اهم مني قلتلها انتي لسه فاكرة الحوار العبيط ده وانا اصلًا مفكرتش انك بتعيطي بسبب كدة ف الأخر قالتلي خلاص فكي بلوك الواتس اللي عاملاه قلتلها تمام فكيته وقفلت معاها لقيتها شوية كدة رانه عليا قلتلها نعم شافت الرسالة ورنت تاني وانا الفون مكانش جمبي ف ببص لقيتها عملتلي بلوك طب إنسانه زي دي أتعامل معاها ازاي انا عملتلها بلوك برضو عشان الكلام والمناهده معاها بقت تفقع اللي عملته صح ولا لا عشان شكلها هتخليني ارتكب جريمه فيها