الشغل
هاي بنوتات
في اشي مضايقني كتير، البوست مجرد فضفضه.
انا وضع اهلي مش منيح ماديا ومصروف الجامعه يادوب يكفي مواصلات. خالتي قبل فترة حكتلي تعالي اشتغلي معنا بمصنع (هي بتشتغل مع خالتي الصغيرة) انا وقتها رفضت لانه كان عندي توجيهي. قبل 3 اشهر، رجعت حكتلي تعالي و قلتلها اوكي بدي اجي. بعدين فجأه صارت تطلع اعذار وحجج وتحكيلي بدي احكي مع صاحب الشغل اول وهو ممكن يعارض وابصر شو. قلتلها تمام. ضليت ارن واستاها وهي تتحجج. اكتشفت بعدين انه خالتي الصغيرة خربت علي الموضوع لانه قبل يمكن 5 سنين صار موقف وهي كانت فاهمة كل اشي غلط وقلبت علي. عشان هيك قامت خربت علي الشغل. والله زعلت لاني جد بحاجة الشغل واصلا زبطت جدول الجامعة وضغطت حالي بالدوام على اساس اقدر اشتغل معهم.
كمان بنت خالتي اشتغلت بمصنع تاني، و صارت خالتي (خالتي هاي غير اللي حكيت عنهم فوق) تحكيلي اشتغلي معها وحسيت بنت خالتي مش عاجبها وانا ما بحب اغصب حالي على حدا. ما وعيت الا فجأه البنت قلبت علي وبطلت تحكي معي و حكت لكل صحباتها يشتغلوا معها بالمصنع وانا حتى ما حكت معي بالموضوع.
ما بحب اطلب ابوي يزيدلي مصروفي، طلبت منه مصاري قبل هيك وصار يصرخ علي ويحكيلي وين بتروحي بالمصاري. كل مرة ببهدلني قهرني كتير وحسيته بذلني عشان المصاري فبديش اطلب منه.
كتير زعلانة بسبب هالشغلة. يعني وضعنا كتير سيء، حتى ما بقدر اشتري اواعي جديدة كل اللي عندي شريته زمان من نقوط التوجيهي و مستحية لما اداوم لاني بضل اعيد اللبسة والبنات كلهم بغيرو لبسهم. بالجامعه بتعب احيانا لانه ما بقدر اشتري اشي اكله بين المحاضرات. وانا اخدت مصاري دين من امي واختي وخالتي وكتير منحرجه منهم لاني مش قادرة ارجع اسدهم. اشي جد بقهر كتير زعلانه منهم كلهم.