عمري ٢٤ سنة، خريجة جامعة من قسم من اقسام كلية العلوم، طبعا مستقبل خريجين هي الجامعة انو يصيرو مدرسين بالمدارس بس انا طبعا ما تعايشت مع المهنة لاني فاشلة، رح تقلولي ايزي غيريها .. رح قلكم انا ماعندي اي مهارة بالحياة، ليه؟ لاني قضيت سنين الجامعة كسل وقرف وبكا على علاقات واشياء ما منها اي فائدة وماعرفت استغل وقتي ب اي شي مفيد، حتى اهملت صحتي النفسية والجسدية واهملت شكلي بصراحة
وحاليا عم حاول لاقي حل بس بصراحة انا افشل من التنفيذ، كل ما حاول اتعلم شي بلتزم يوم يومين وبسحب .. للصراحة دغري بيأس لانو بحس انا عمري ٢٤ سنة ومامعي ولا فلس وبالتالي ماعندي وقت اتعلم شي لازم لاقي شغل هلأ فورا وطبعا كل ما قدم على شغل بنرفض، والاشغال الي انقبلت فيها كلها طلعت نصب واحتيال او ظلم شديد وراتب قمامي لا يتناسب اطلاقا مع ساعات العبودية والجهد المبذول
كتير مقهورة انو درست وتعبت وتخرجت واخر شي ركنت شهادتي على جنب واكتشفت اني لا بحبها ولا بعرف شو بحب ولا عندي وقت اكتشف .. احس اني عالهاوية طول الوقت .. ومن الفقر تقريباً رح صير قديسة
طبعا مهارتي الوحيدة هي الصياح ف اجيت صيح شوي خصيصا انو وصلتني رسالة رفض من الشغل الي كنت معلقة كل امالي عليه .. وشكرا لكل من تحمل هذا الصياح حتى النهاية