انا حياتي زي حياة اي شاب في عمري عنده ٢٣ سنه وطالع من اوائل دفعتي في هندسه والحمدلله مفيش حاجه مضايقاني بشكل كبير ولكن
بفكر في معاني كثيره في الحياه، في الخير والشر والموت والالم والحزن اللي في العالم، ساعات بقعد اعيط بفكره صغيره عن تخيل طفل بيتعذب من السرطان او مثلا قطه صغيره لقيتها تعبانه في الشارع، بفكر في الحياه كثير اوي وقد اي هي جميله والشروق جميل والبحر شكله حلو وفي نفس الوقت في حروب وظلم وقهر، عمري ماتقبلت حقيقة الشر وان في الم واذي، انا قبل كدا لقيت قطه تعبانه في الشارع من البرد وبتموت قعدت ازعق في نص الشارع واقول يارب فهمني يارب فهمني انا مش فاهم، ودايما بقري عن وجود ربنا والحجج المنطقيه اللي تثبت وجود ربنا ومنطقيا وعقليا ربنا موجود، بس ليه حزين دايما وليه في الافراح والاعياد وسط ما الناس كلها بتضحك اكون انا بفكر في الفلسفة والاخلاق والخير والشر