u/D-Y-A

انا كنت فاكرة نفسي كويسة و اني اتخطيت حاجات قبل الحرب و من الحرب و بعد الحرب بس لقيت اني انا ماشة على overthinkning شديد و بقيت بعزل نفسي من الناس ما بكلم اي زول حتى القراب و حتى اهلي بقيت حاسة نفسي ما بقدر اتكلم معاهم و عندي توتر من اقل شي و تقريبا burnout كل ما افتشي في النت بحس راسي بقفل و بكون عايزة اوقف البعمله طوالي و بقيت ما بحس بالوقت مرات كتيرة بسرح و حاجات كتيرة بقيت ما بعرف افكر ولا اتونس و دلاهه اجتماعية ما بعرف اتصرف او ما بقدر افكر قبل ما اتصرف مع انه لمن اخد نفس بكون عارفة اعمل شنو
المهم موضوع العزلة دا بدا من انا صغيرة بكون في المدرسة عادي و اجتماعية لكن لمن ارجع البيت ما بكون دايرة اتكلم مع زول و مرات حتى ناس البيت و الموضوع كنت بقول بسبب الظروف لكن الظروف اتغير و انا بطني بتطم من فكرة اني امسك التلفون و اتكلم مع الناس او حتى الواتساب مع انه كنت زمان active و بتعرف على الناس وونسة بس ما عارفة ما قادرة اتذكر الحصل شنو و ما عارفة اتخطى الموضوع و ارجع طبيعية
بعد تفكير اكتر من شهر لقيت انه انا اكيد عندي عقد من انا صغيرة مفروض احلها حتى لو ما متذكرها فعايزة دكتورة نفسية تساعدني اعرف احل المشكلة
لو في زول/ة عنده خبرة او تجربة ممكن تساعد انا برحب بيها