u/Critical_Life3263

أنا بعتقد إن في ناس من مصلحتها ان الجمهور والشعب يفضل ملهي في قضايا الرأي العام زي القاضي اللي قتل و التحرش والانتحار رغم ان القضايا دي مفيش مبرر اننا نقعد نتخانق عليها المفروض اللي يعمل حاجه غلط يتحاسب واننا نعمل الصح وخلاص والخبر يكون مكتوب بخط صغير في صفحة الحوادث ومفيش داعي لكل دا هو ليه نتكلم في المواضيع المثيره للجدل وننسا القضايا الرئيسيه محدش بيتكلم عليها خالص ..

في حد بيشاركني في اعتقادي الغريب؟

قرأت إنه وفقا للبنك الدولي فإن خط الفقر مقداره 2.15 دولار في اليوم للفرد هل دا ينطبق في مصر بمعني 2.15 دولار في اليوم للفرد اما حسبتها كدخل للفرد الواحد طلع 3390 جنيه في الشهر وفقا لاسعار الصرف الرسمية

هو دا يكفي شاب اصلا ولو فردين زوج وزوجه مثلا هيكون 6780 جنيه دا يكفي فردين ؟

هي بتتحسب كدا ولا في حجات تانيه زي القوه الشرائية بتختلف من مكان لمكان وزمان لزمان في سلع بتغلي وترخص ... هو المعيار ده دقيق عايز نقاش معاكم في الموضوع دا هو دا مناسب في مصر

قبل كدا كنت راكب ميكروباص وجمبي ست المهم كالمعتاد فتحت ريكورد تعليمي وقربت الفون من ودني عشان اسمع .. هي الست بقا كانت بتكلم بنتها جمبها وقاعدين يتكلموا فجأه لقيت الست مسكت تلفوني وهو قريب من ودني وبتقول وريني الشاشه كدا قولتلها ليه قالت انت عمال تسجلي انا وبنتي واحنا بنتكلم ساعتها قولتلها انا بسمع الدرس بتاعي وانا أصلا معرفش حضرتك ومليش أي مصلحة إني أسجلك وقعدت تزعق وانا كان كل همي احافظ ع ثباتي الانفعالي وقولت للناس انا معرفش هي مالها انا قاعد بسمع درسي وهي بتتهمني اني بسجلها وهي كملت هبل وزعيق والناس قعدوا يقولوا حصل خير وكلام من دا.. انا قلبت تلفوني ع الودن التانيه وكملت وتظاهرت اني مش مهتم باللي بتقوله

المغزي ان التجاهل هو ملك المواقف اللي زي دي وتخليك ثابت انفعاليا قدام الناس دا بيخليهم هم يصدقوك لو انفعلت ودخلت معاها وحاولت تبرر هتبقي انت وهي في موضع اشتباه والناس هتفتكر انك اللي غلطان او في حاجه بتحاول تخفيها

حبيت اكتبلكم دا صباح الخير

انا جديد هنا ولقيت منشور بيتكلم عنهم فجالي فضول اعرف دول ايه اصلا دخلت لقيت كل محتواهم تقريبا مهاجمة الاسلام والسخرية من المسلمين وشعائرهم وقليل برده شتيمه للمسحيين بدون ميقدموا اي ايدولوجيه او محتوي يعني لو سالت حد منهم اقنعني بالالحاد هيرد بطعن في دينك انت طب يعم فين ايدولوجيتك فين منهجك ؟؟ هم دول الملحدين اغلبهم حاقد عن الاسلام بتوع اكس ايجيبت دول مجموعه من الاطفال والمراهقين المتمردين اغلبهم مش عايز يصلي او حتي تلبس حجاب فبدل متقلع الحجاب وهي ساكته في اللاخر المتبرجه مسلمه .. لا تكفر بربنا وتهاجم ايه من اياته دول معنهمش اي ايدولوجيه عن اعتقادهم يعني شويه صيع من الاخر مهماش حتي علماء فيزياء او فلك وجابوا دراسات علميه واستنتجوا عدم وجود اله ..وكل اللي بيعملوه مهاجمه للأسلام ومخبيين عن اهلهم وبيتفاخروا بدا وبيتبادلوا نصايح ازاي يخدعوهم لو عندهم عقيده حقيقيه كانوا حاولوا يدعوا غيرهم لعقيدتهم زي اللي بيسلموا في اوروبا وامريكا انما جبناء و اغبياء

دا انطباعي عن الصب الجربان دا

كنت ركبت ميكروباص وقاعد ورا خالص جمب الشباك انا مكانني المفضل هناك لانها حته معزوله ورايقه مش كل شويه اقوم وانزل حد ومش كل شويه حد جديد يركب يخبط عليا عشان يديني الاجره وعشان برده بقعد جمب الشباك وبحب الهواء يجي ع وشي وبحب اتأمل في المنظر وافكر واسمع فيديوهات هواياتي انا مزاجي عالي انا فاهم ... المهم والميكروباص بيحمل ركبت جمبي بنت وكانت عايزه اني ادخل عشان تاخد مكاني قولتلها مش هعرف انا بحب اقعد هنا لقيتها بتقولي يعني اقعد جمب راجلين بصوت عالي قولت العربيه لسا فيها كراسي فاضيه وكلنا هنوصل استني شويه واركبي في الكراسي اللي جمب الباب وبضنت عليها ولقيت واحد ادلي بدلوه في الموضوع وقال انت ترضاها علي اختك وقال اني مش متربي وكان بيزعق قولت اختي مش هتقوم حد من مكانه عشان تقعد هي .. لحد مهي فعلا قعدت جمب الباب بعد مقعدت تتكلم عليا هي وست تانيه والسواق ادخل وعملت لللي في دماغي

هو مش في اتكيت ليه تطلب من حد قاعد في مكان انه يغير مكانه عشانك ؟ وهو مش فيه حاجه اسمها اتكيت امتي نركب ونسكت ومنسببش ازعاج للي حولينا وليه اغلبهم وقف في صفها هي ؟؟!

هو دايما بسمع عن حوادث الإبتزاز بالنودز وحتي محامي صاحبي بيحكي ان الموضوع منتشر بشكل كبير . وبما اني مش مليش في البنات قوي فعايز اسال

السؤال عندي هو الشاب اللي بيطلب نودز هدفه ايه ؟ يعني هدفه يتفرج ويفرغ شهوته ولا هدفه إنه يخضعها ويحس بالسيطره والقوه إن خلاها تعمل حاجه صعب انها كانت توافق عليها ويحس انه مسيطر ومميز عن غيره ؟؟ عايز اعرف الميكانيزم بتاعت السلوك دا الدافع الحقيقي اللي وراه اصل لو الموضوع تفريغ شهوه فالبورن مالي كل حته ياريت تقولوا رأيكم !

بالله عليكم حد يقول للي ماسك بلد مساحتها مليون km مربع ومليانه ذهب وأثار ومعادن وسليكون عالي النقاء انه يبطل يبيع اصولها وشركاتها عشان دولارات يسدد بيهم فوائد الدين هو لو عايز دولارات اسهل حاجه ممكن يعملها انه يخلي الإنترنت مجاني وسرعته عالية ورخيص ويسيب الناس تسترزق في حالها في شباب ممكن ياخدوا دورات ويشتغلوا برا مصر اونلاين ويجيبوا عمله صعبه في دول كتير بداية طفرتها هي ربطها بقوه بالعالم الخارجي زي إستونيا ده هيجيب عائد كويس هو اي نعم ممكن ميكونش كبير في البداية بس مع التعليم وتخريج كوادر كويسه وتعلم لغة وبرمجة هيبقي في الجون