جدعان... ك*م مصر
الحكاية من الآخر ان انا من و انا صغير بواجه عنف اسري و اضطهاد و كل انواع العنف و قلة الادب. انا 16 سنة Non-binary و Pansexual. لسه بجرب و بستكشف بس دول اكتر حاجه حسيتهم ينفعوا. من بادري و انا مش طايق دنيتي لأني عايش مع اربع اخوات غيري، و اب و ام toxic. اهلي من و انا صغير رغم اني كنت باين قدامهم ابن مثالي لكنهم كانوا toxic. جبت 19 و ربع من عشرين؟ !حا و محمد مقفل ليه!؟ اتضربت في المدرسه؟ ما انت علشان ضعيف! و عايش كده لحد ما بدأت الاحظ علامات الاكتئاب و انا عندي 12 سنه تقريباً. في الوقت ده مكنتش لسه اعرف اني تبع الLGBT ولا اني مكتائب بس كنت دائماً حاسس اني مختلف و ان في حاجة غلط. و بدأ العنف يزيد مع الوقت و الضرب يروح من الضرب بالشبشب لسلك كهرباء يقطع الجلد و يخليه ينزل دم. من اللي انا عرفته مع نفسي بعدين ان انا جالي هلاوس, dissociation, اكتئاب، الإرهاق العاطفي (مكنتش بعرف اتعصب)، و C-PTSD. و بعدين هديت و عرفت اتحكم في الاكتئاب لدرجه اني مش عايز انتحر بس لسه مش حاسس اني كويس و السلبيه لسه موجوده. كنت ساعته 15 تقريباً. قضيت فتره كده، مش قادر اعمل حاجه من الكسل بسبب الاكتئاب بس مكنتش عايز انتحر لأن عندي طموحات اني احاول اتعلم و اقدم اي حاجه للمجتمع تفيد المكتئبين. اكتشفت من فتره طويله (مش فاكر قد ايه) اني في الغالب Bisexual من واحد صاحبي اجنبي بس انا رفضت الفكره لأني كنت بعتبره حرام لحد ما وصل بيه الحال اني اتقبل الموضوع من اسبوعين بعد ما رفضت السنة النبوية و اتخذت القرأن كمصدري الوحيد للمعلومات. من كام يوم اكتشفت ان اللي زي حالاتي ممكن يقدموا علي ملاجئ برا و يسافروا و يتعلموا برا تحت حمايه الدول الاجانب بس واحد من الشروط انهم يكونوا اجانب... حد فاهم يشرحلي؟ آسف اني طولت في الكتابة بس الموضوع بجد متعب اني اشوف كل زمايلي ناس فرحانة و صحية نفسياً و انا الوحيد المكتئب و تعبان.