u/Consistent-Rub2322

اقرأوا للآخر قبل الهجوم

بقالي سنين بأكل وبراعي كذا كلب عندنا في المنطقة

أنا لو قولت انهم مش مؤذيين بعضكم مش هيصدق لكن هما فعلا مش مؤذيين بل وطيبيين جدا

دلوقتي فيه حملة على الكلاب زي ما كله عارف، وأنا مش هبدي رأيي في دة لأن كل طرف من المشكلة له أسبابه فعلا، ومعاكم أن الأعداد زادت جدا وناس بتخاف منهم

أنا متعلقة بالكلاب دي واخدتهم فترة عندي في البيت ولكن الجيران رمولهم سم ومات بعضهم وبعضهم عالجته

انا حالا مش هقدر اخدهم عندي البيت تاني

اتقبل فكرة انهم هيموتوا وخلاص؟ ولا اعمل ايه؟

ياريت اللي يرد بلاش هجوم غير مبرر لاني فعلا مش ضد أي طرف ومدركة ان تواجد الكلاب بأعداد كبيرة مش حاجة كويسة.

حاجة بتتسأل كتير أنا بعتذر، ولكن هوضح الوضع بحيث لو فيه حد مر بحاجة شبه كدة يفيدني.

حاليا أنا لسة سنة أولى وبحاول أركز على قد ما أقدر في الدراسة ومبقاش مشتتة في أي حاجة تانية (مع بعض المساحة للترفيه مثلا أو كدة)

والدي هو اللي بيصرف عليا وللأسف تعب ومش هيقدر يشتغل تاني، ومفيش حد تاني بيصرف عليا

أنا كان نفسي أحوش عشان أسافر ولكن الفكرة دلوقتي بالنسبالي شبه مستحيلة بالظروف المادية وشكلها مش هتنفع غير بعد مثلا ما لا يقل عن اكتر من ١٠ سنين

والفكرة مش كلها نابعة مني بل بالعكس والدي كان عايزني اسافر حتى أكمل دراستي برة وقبل ما أدخل الكلية كان جايلي منحة برة ولكن لظروف معينة منفعش إن انا أكمل في الطريق دة

المهم برضو أختي اكبر مني ولكنها مش بتشتغل وبتحتاج مصاريف كتير، والمفروض ان انا اللي هراعي والدي لأن مفيش حد تاني معاه

والمفروض ان انا اللى هتكفل بمصاريفها لحد ما على الأقل تحاول تشتغل

فالحقيقة أنا مش عايزة اهمل دراستي،

أنا معايا مهارات تخليني اشتغل واجيب فلوس كويسة بس وقتي هيضيع مني

معلش لو الكلام ملخبط بس لو حد عنده نصيحة ياريت يفيدني.