البرمجه و الانجليزي و استخدام الذكاء الاصطناعى بطريقه خاطئه
سلام عليكم الناس اللي شغالين في البرمجه و الناس اللي مستواها في الانجليزي كويس وكمان في مشكله تواجهني حاليا. المشكله : بدأت استعمل الذكاء الاصطناعي بشكل خاطئ بمعنى اني مبقتش افكر خالص وبستسهل وادخل على اي اداه واخليها تفكر مكاني و تكتب بوست ومبقتش استعمل دماغي ولا بقيت افكر حتى وبسبب كدا مبقتش اعرف اتعلم حاجه ولا اذاكر ومبقتش اسيب الموبايل خالص كل ما الاقي او أواجه حاجه صعبه بسيبها و بكمل استعمال في الموبايل (تعفن دماغ) ودا لو ملحقتش حاليا الاقي حل للمشكلة دي عواقبها هتكون وخيمه للأسف اني كده مش بعمل لمستقبلي. ايه الحل للمشكله دي؟ حتى لو صعب اتوجع انهارده وانا بتعلم لمستقبلي احسن ما اتوجع من الندم في المستقبل.
البرمجه : ايه افضل طريقه لتعلم لغه البرمجه؟ هل بتكتب الكود كامل بنفسك ولا في اداه بتستعملها؟ ايه المصادر اللي اتعلمت منها؟ هل يفضل اني اكون ممتاز في رياضيات علشان اكون كويس في مجالي؟ ايه الحاجات اللي اتعلمتها جنب البرمجه استفاد بيها؟ ناوي اتأسس صح في BACKEND علشان ناوي بأذن الله ادخل في مجال هندسه البيانات.
الانجليزي : الناس اللي اتعلمت انجليزي ومستواهم B2 و C1 ايه الأخطاء اللي عملتها أثرت عليك في بدايه تعلمك للغه؟ وكنت بتذاكر ازاي للغه بدون ما تنسا اللي انت ذاكرته قبل كده؟ وأفضل وقت كنت بتذاكر فيه لو انا مبرمج كان قبل ولا بعد ما تذاكر برمجه؟ هل تعدد المصادر للغه تعتبر حاجه كويسه؟ وايه المصادر اللي كنت بتستخدامها بالذات الممارسه و التحدث و الاستماع؟ حد جرب انه يتعلم اللغه الانجليزيه مع اللغه الفرنسيه في نفس الوقت؟ انا حاليا a1 ومشترك في برنامج ايستوريا و busuu و معايا كتاب American english file starter ومش عارف اوفق بين المصادر دي واليوتيوب.