u/CombinationOdd9825

مرحبا انا ز 26 سنة جاي امر بازمة تغيير اختصاصات و ابحث عن شغفي و بنفس الوقت مصدر دخل يضمن لي حياة كريمة و محترمة ...أنا عندي خلفية فنية جيدة بالرسم و معرفة باساسيات التصميم و اهتمام قديم بالبرمجة.. فكرت ادمج شغفي و معرفتي و ادخل بمجال التصميم...مو الگرافيكي ببساطة لان السوق متشبع و جربته ما شفت شغفي بيه ....

اريد استفسر عن تصميم واجهة المستخدم و تجربة المستخدم uiux مطلوبة بالسوق و الى اي مدى تشبع السوق بهذا الاختصاص و الى اي مدى اثر عليه دخول الAi و هل احتاج اتعلم اساسيات برمجة (عندي اهتمام بسيط بيها) ..

و هل احتاج اشكل تحالف مع مبرمج لو هاي السالفة انتهت بعد بوجود المنصات الجاهزة و القوالب... منو هنا بهذا المجال يشاركني سلبيات و ايجابيات و خطة طريق ...بس كون بذمة و ضمير اخوان الموضوع مصيري

احتاج خبرتكم و مساعدتكم و مشكورين مقدما

مرحبا انا ز 26 سنة تخرجت من السادس بمعدل عالي و بضغط من الاهل و توقعاتهم و حتى لا اخيب املهم دخلت طب.. اعتقدت أنه كان حلمي و فرحت من حصلته

بس بقت اكو فجوة محسوسة و كلما جالها تزيد بايام الكلية و لحد التخرج... بعد سنة من التخرج تعينت و داومت فترة و كنت بين سعادة و بين حيرة و غرابة و تخبط و اذا بهاي الفجوة تصير ثقب اسود يبتلعنيى...

بعدها صارلي ظرف حطني امام الأمر الواقع و عليه اتخذت قرار صعب بترك الشغل هذا و الحياة هذي و لولا هذا الظرف اللي انا ممتنة اله ما جنت راح اتخذ هذا القرار

بس لكل قرار تبعات و عواقب و لكل فترة و مرحلة صعوبات و سلبيات و ايجابيات

لكم ان تتخيلوا صعوبة و رهبة الوضع ..حياتي اللي خططتلها من الاول الابتدائي من كانت المعلمة تكتبلي احسنت يا دكتورة و حتى الآن كلها هاي انتهت بلمحة ... من كلشي جان متخطط و مترتب و طريق واضح إلى ضياع تام و طريق موحش و مامعروف وجهته و لا نهايته

............

مر على هذا الشي سنتين

أنا ز و انولدت من جديد قبل سنتين ....