Is saal ka NEET comparatively easy gaya tha, aur honestly mujhe lag raha hai ki mere around 575–590 marks aa sakte hain. Lekin jis tarah cutoff predict ho raha hai, us hisaab se chances thode low lag rahe hain. Mere JEE mein bhi iss saal 90 percentile aaye the, isliye ab main state counselling ke through kisi engineering college mein admission lene ka soch rahi hoon aur saath mein partial drop bhi.
Mera syllabus already complete hai aur practice bhi kaafi had tak done thi. Mere teachers ne bhi bola tha ki mujhe mainly aur mocks aur proper revision ki zarurat thi. Isi wajah se mujhe lagta hai ki ek aur focused attempt dena sensible ho sakta hai.
Main private MBBS ya abroad ka option consider nahi kar rahi, aur abhi tak kisi aur field mein bhi utna interest feel nahi hua. Medicine hi mera main goal raha hai, isliye abhi partial drop ka option seriously soch rahi hoon.