u/ChildhoodAshamed7

صباح الخير..ما بعرف إذا هالموضوع لازم أنشره هون أو لا بس ما عرفت وين انشره...أنا أخي من شي أسبوعين اجاه توام ثلاثي ٣ بنات ، ولدو بالشهر السابع يعني خدج ما كملو التسع شهور، وال٣ ولدو بصحة منيحة وما كان فيهم مرض ولا أمهن كانت مريضة، المعروف أنو الخدج بينحطو دغري بالحاضنات...بس إهمال من المشفى ما حطوهن بالحاضنات لبعد ١٤ ساعة ...تاني يوم وحدة من البنات توفت ...والأسبوع الماضي البنت التانية كمان توفت ...واليوم عم يحكونا من الصبح مشان نروح عالمشفى لأنو البنت يلي ضلت ممكن بأي لحظة تموت 💔 ... هاد الشي أكيد بسبب إهمال المشفى لأنو البنات أول ما ولدو ما كان فيهن شي أبداً ، وللعلم مشفى خاص وبنص الشام المفروض يكون في رعاية أكتر....المهم وين فينا نشتكي عالمشفى؟! هني اكيد ما رح يرجعو يلي ماتو بس أقلها يغيرو هالكادر المهمل !! يعني والله ما بعرف من حرقة قلبي لوين روح واشتكي عليهم..حسبي الله ونعم الوكيل

مشان هداك الشخص يلي بيحكي أنو الشب بس يكون أسمر بتنجذب له البنت حتى لو كان قصير وملامحو مو حلوة ويقلك السمار سحر..

كبنت أنتي لشو بتنجذبي أكتر الملامح الحلوة ولا يكون أسمر وقصير وملامحو اقل من عادية وفقير ومدري ايش المهم يكون أسمر 😂

من ناحيتي أنا أكيد الملامح أهم من اللون إن شاء الله يكون برتقالي لو ملامحو حلوة انجذب له

أنا لاحظت أنو أغلب الشباب يلي طولهم أقل من ١٧٠ بشوفو حالهم قصار ومتعقدين من هالشي، وخاصة أنو عالسوشيال ميديا منلاقي البنات بدهم شريكهم المستقبلي يكون طويل كتير...

بس حبيت قول أنو عادي ترا طالما في بنات أقصر منك فأنت بأمان😂🤝

حتى لو طولك ١٦٠ مثلاً برضو في بنات أقصر منك عادي يعني ريلاكس،

اعتبروني فاعلة خير😂

ليش بنلاقي أنو إذا الشخص غني وحالتو المادية ممتازة بجيب طفل أو طفلين أما الشخص الفقير (أغلبهم) بتلاقي معه 5 أطفال؟؟!..... دائماً بلاقي النسوان يلي بتتسول بالشارع بتقول للناس والله معي 4 أطفال جوعانين ، طيب ليش ليجيبوهم؟؟!...زي الشحادة يلي بتقعد بالشارع و حاملة ولد صغير بحضنها طيب ليش تجيبوه ما عم أفهم!!

عم لاقي أنو ظاهرة الولاد الصغار يلي عم يسوقو و يشتغلو عصهاريج المي زادت كتير هالفترة ، هو فقر والله يعين العالم ، بس يعني مو معقول ولد عمرو 11 أو 12 سنة عم يسوق تركتور المي بنص الشارع ومعو 3 ولاد بعمرو حدو!!!

صح ما بدنا نقطع برزقة حدا بس بيضلو طفل و سواقته متهورة يعني لو بيعمل حادث لا سمح الله كم إنسان بدو يروح فيها؟!! مبارح المنظر كان كتير مستفز طفل يا دوب رجله توصل عالدواسات عم يسوق بشارع معبى ناس وسيارات....شو الطريقة يلي ممكن نساعدهن فيها؟ أو يلتقالهن شغل يناسب أعمارهن؟!