لأن لما الانسان يحبك بصدق وهو بطبعه ما يحب الكذب راح تجي عليه أوقات صعب يحبك فيها لانك إنسان وترتكب اخطاء وهو إنسان، الكذاب اللي وراه مصلحة من حبك ما راح يبين لك انه تغير شي، لأن أصلا كلامه ما وراه مشاعر
مين زيي؟
مرت علي فترة ما اقرا الا شعر جاهلي وجيت بعدها للشعر الشعبي حسيت انه تفاهة باستثناء كم شاعر مثل عبدالله بن شايق وبن عون وكم شاعر ثاني ، قصايدهم طويلة ومتماسكة وتشبيهاتهم جميلة والمشاعر اللي يعبرون عنها طبيعية ما تحسهم يتصنعون او يغصبون المشاعر على نفسهم عشان يعيشون دور الشاعر، والحقيقة اذا قريت الشعر الجاهلي واستوعبته بتلاحظ ان حتى الشعر العباسي فيه تكلف وتصنع لكن يشفع له ان فيه ابتكارات جميلة ، على طاري الشعر المتنبي ما أعرف كيف يعتبرونه شاعر اصلا ، هو صح عنده معاني جميلة بس ماله قصيدة الا وفيها عيب يخرب عليك الجو كله، اما تكلف واضح بالصياغة او معنى من اساسه تافه او احيانا معنى ما يليق اصلا زي قصيدة له يرثي اخت سيف الدولة يقوم يمدحها كنه يتغزل فيها، من الشعار المشابهين له وهم احسن منه ابو العلا المعري واحسن من المعري الشريف الرضي
يعني الكرتونات لو تلاحظوا زمان كل كرتون تقريبا الآرت حقه مختلف ويعطيك جو غير تمامًا وكل كرتون فكرته غير جدا عن الثاني، زي مثلا اذكر فيه كرتون عن واحد يسوي مقالب بمدرسته وكان فيه كرتون ثاني حق توأم واحد شرير وواحد طيب والشرير لونه موفي وفيه الجاسوسات هذا غير الانميات زي سيف النار او قبضة نجم الشمال وكوووننان ياخي يعني والله زمان احسن
للسياق أنا كمان فيني الشخصية الحدية، وحاولت افسر الموضوع ان الطيور على اشكالها تقع، لكن مو منطقي لأن قبل يكلموني وش دراهم اني زيهم؟ وبعدين هالشي جرّبته بأكثر من بيئة وبلد، يعني ما فرق وين ما كنت اللي يطيحوا فيني بنات فيهم مشاكل وش السر، الحقيقة ما اشتكي لان الناس الطبيعية مملة أصلا