انا راجل وكنت بتكلم مع واحدة صاحبتي عن مفهوم البخل لانها بتقول مواصفات راجل احلامها ميكونش بخيل وهي عامة شخص مسرف اوي لانها بتقبض رقم كبير وبتصرفه كله شهريا علي تفاهات وهي معترفة بكده ... بس بتقول ان الراجل المثالي بالنسبة لها لو معهوش فهي حتعيش علي قده عادي بس لو معاه فلوس فهو لازم يجبلها التفاهات اللي هي بتحبها طالما معاه والا يبقي بخيل .. واختلفت معاها اني شخص مثلا معايا فلوس بس مبحبش الاسراف يعني باكل كويس اللي يملي بطني ولابس كويس وبخرج مرة ولا مرتين في الاسبوع في اماكن بحبها وخلاص وباقي فلوسي بستثمرها مثلا ... لكن محبش اعمل زيها واروح اصرف في غدا برا فوق الالف جنيه لشخص واحد ولا هدوم غالية رغم اني بامكاني ده وكمان مش حيبقي ضاغط عليا كمان بس بستحرم ومش بستمتع اصلا ان اتغفل كده
هي شيفاني بخيل علي نفسي طالما في مقدرتي اعيش في ليفل اعلي ... كمان كنت بقولها لو اتجوزت مش حجيب شغالة مثلا او حد يساعد اصل الاكل والغسيل انشطة عادية الانسان بيعملها من الاف السنين علي الاقل نتحرك بدل ما نبقي كسالي وانا مش ححب حد يلمس اكلي ولا يغسلي هدومي غير الست اللي حتجوزها ولا اجيب واحدة افريقية تربيلي عيالي ... المهم النقاش خلص اني مش نعمة وبخيل؟ رايكم ايه 😃