كنت حابة أسأل وأعرف لو في حد مر أو بيمر بنفس التجربة بتاعتي، وعنده حلول لإني عندي تشتت رهيب.
أنا عندي 20 سنة، وتالته معهد، كنت ثانوية عامة دفعة 2023، وعلمي علوم، وأنا مش الوحيدة بس اللي حصل معاها كده، بس بعد مذاكره وتعب طول السنه، اتظلمت وجبت 55% وبسبب إني كنت مهتمة بالمواد الأساسية مذاكرتش اللي مش بيضافوا على المجموع وكنت مرحله تانيه في مادتين غالبًا إحصاء واقتصاد، والتنسيق لما جالي كانت الرغبه ال60، غالبًا مش فاكرة كان معهد زراعة، المهم غيرت وقدمت على معهد تكونولوجيا وهندسة وهو فيه تخصصين بس هندسة وإدارة أعمال، الظروف بعد ثانوية وظروف من كورونا كانت سيئة جدًا، ودخلت المعهد ده ومعرفتش ادخل كلية خاصة.
بدرس إدارة أعمال بالعربي، و طبعًا غير مستفيدة بالمرة بالدراسة في المعهد ده، وبذاكر قبل الامتحانات بكام ساعة، حاولت أحول بعد سنة أولى لتربية موسيقية، و مامتي رفضت أكون في مجال زي ده، أو ادرس الفن بشكل عام، وأنا معرفتش أعمل ايه، وقررت أكمل في المعهد ده، رغم إنه بعيد جدًا عن اللي كنت عايزاه (فنون تطبيقية).
المهم فضلت بعاني من أكتئاب لفترة طويلة، بقالي سنتين، وحاليًا بحاول أخرج من الدائرة دي، بس حرفيًا I’m living in Sylvia Plath’s fig tree analogy، وعايزة أعمل كل شيء في نفس الوقت وبسرعة.
طول السنين اللي فاتوا كنت علطول في البيت منعزلة، وانطوائية جدًا، فطبيعي معنديش صحاب خالص، كل اللي اعرفهم من Social media بس، ومش هعرف أخد رأيهم في شيء زي ده.
المهم إني كنت بشغل وقتي بحاجات مفيدة، بعيدًا عن الـ Doomscrolling، و I do research as a hobby، وعندي اهتمامات بحاجات كتير جدًا، بس IM NOT GIFTED، ومفيش حاجة واحدة شاطرة فيها.
معنديش مؤهلات للشغل غير الـ English، ومش عايزة أشتغل في الـ Call Center.
أنا مهتمة جدًا بالمزيكا ومش بشكل عادي زي أي بني آدم، كنت بحاول أعرف عن الـ Music Theory، ده غير إني بدور على Artists بيقدموا نوع مختلف من المزيكا، مثلًا حد زي Dorothy Ashby، والفكرة مش بس في الـ Harp، الفكرة في دماغها، وطريقة ربطها للأشياء، بحس دي حاجة أنا هعرف أعملها بعدين، ومع كذا Instrument زي ما هي عملت، مش عايزة أكون غير واقعية، بس أنا أصلًا معنديش أي Instrument.
أنا حاليًا مش عارفة أروح فين بعد ما أتخرج، ولا عارفة أدرس إيه بعدها، ولا عارفة أعمل ايه دلوقتي، يعني محتاجة زي Map تقولي أمشي وأروح فين بكل الأهتمامات دي، واستغلها إزاي؟
اللي مهتمة أتعلمه: الإخراج، هندسة الصوت، كتابة السيناريو، التصوير، to make music and train as a chef.
(يعني لو حد يعرف أماكن، يقولي أخد Courses فين مثلًا)
-نقطة كمان إزاي نبدأ نـ Create ونبطل Consuming فعلًا؟