موقف صار معي بيتصر وضع السوريين
في شب كان معي بدفعة البكلوريا كان مؤيد مستميت للحمار. يعني ابتفتح استاغرامو بتلاقي صورة البروفايل صورة بشار و ماهر بنضارات شمسية إنو كاريزما و هيبة و هيك قصص، بتجي اتدقلو بتلاقي رنة موبايلو الوطن الغالٍ الوطن عزيز، و من السوالف عي كلها. بتزكر خلال معركة ردع العدوان ما خلى ستوري ما نزلو ياها لأبو رقبة بتقول أبو مو هيك. و إذ بتصير الساعة ٦ ٨/١٢/٢٠٢٤ و السوشل ميديا جانن، و الستوريات عن الدخول إلي صيدنايا و يلي نزيل إلى مزبلة التاريخ، و بين هل ستوريات بشوف نفس الشب، حازف ستورياتو القديمة، و منزيل ستوري عن عن تحرير المعتقلين. يعني حسيت الأمر مضحك بس ما كتير همني الموضوع.
و إذ بصير شهر ١ بلاقي صورو متلثم و مع الأمن العام متطوع، و الصراحة ما حبيت حطو بذمتي قلت لحالي خطي شكلو تاب.
بصير شهر ٣، و كلنا منعرف المجازر المؤلمة يلي صارت بحق أهلنا بالساحل، أخونا طبعاً منزيل منشور عم يحرض و عم يقول، ما في بيناتهم بريء و هدول ما إلهم أمانة. يا لطيف عل تكويعة، هاد شخص قبل ٥ شهور كان ما برافق غير أولاد مسائيل، طبعاً هون كنت إنوان مقلع من الأمن العام و يمكن آكل قتلة من الشباب. مو مشان التحريض مشان قصة والله ما بعريف يمكن ملطيش بنت أو شي.
نفس الموضوع أثناء أحداث السويداء. أنا هون الصراحة عملت جردة عل انستاغرام و شلت نص العالم أولهم الشب هاد.
هاد الشب بيتو قريب عبيت رفيقي، أنا و رايح عبيت رفيقي، بشرفو للشب بس متغيرة لاحتو ماشاءالله مأطلق اللحية و حافف شلبو و فايت بالجو يعني. شافني و اضطريت سلم عليه، طبعاً بعد ما سمعتو كم كلمة عأساس مزح إنو انت على حالتين مظبيط وضعك، و تكوعة ١٨٠. رجة، ببلش بيحكيلي عن وصولو إلى الهدى و كيف هوة تاب… بعدين كمل بكلامو كيف هي البلد "إلنا" و كيف لازم انخلص "عليهم"، طبعاً أشك إذا بيعرف جزء عم.
و من فترة كم إسبوع قاعد مع صديقي، فهوك و فاتح موبايلو، بيمرق عستوري الشب، هون كانت ضايجة الأمور مشان موضوع الاسقيلبية، هون بلمح ستوري تبتو "نحنا ما طلعنا ثورة مشان هيك".
هلأ شيلكن من الشب القذر هاد، بس هاد الشي وعاني إنو ما شبيحة قدام و شبيحة جدد، هنين نفسهم. بس غيروا لبسهم، هنين نفسهم يلي كانوا يخرسوا العالم عأيام الحمارين هلأ عم يخرسوا العالم إذا بدهم يحكوا شي. يعني كلنا شفنا فيديو هاد الشب يلي عم يبكي إنو احتفالات التحرير كلها "موسيقى" و "اختلاط" يلي طلعلو فيديهات عم يختلط و يغني و متلو متل غيرو. هدول الأشخاص عالم بلا شخصية و عبق على المجتمع، هدول طول عمرهم ما حدا بعبرهم و صار عندهم عقد نقص إنو لارم يظهروا و لازم يكونوا يقدروا يتقاوا علعالم. متل الحمار مثلاً يلي منزل التسريب الكازب يلي سبب بالمشاكل بجرمانة السنة الماضية. هدول ناس مجرد غيروا كلمة رفيق لكلمة أخي بالله، و مين … ولا؟ إلى عوي ولا. هدول أشخاص لازم ننتبه منهم لأنهم بيعملوا حالهم مننا و فينا، بس فعلياً هنين بس بيستفادوا و من مصلحتهم يكون في فوضى بالبلد.