محتاج مساعده
جماعه انا ازهر ومفيش حاجه متبقيه في المواد غير الفيزياء بس انا حاليا مش قادر اذاكر فاقد الثقه في نفسي ومتوقع الفشل وحاسس اني متجمد كنت بذاكر ميه ميه شهر ٢ و٣ بس في شهر ٤ قصرت فشخ انا مش بمسك الموبايل بخليه بعيد عني أنا كل مااجي اذاكر الاقي دماغي بتفكر في حاجه وانا بحاول اركز في الكتاب مش قادر يأست من نفسي وبحكم دائما بالفشل علي نفسي طول السنه كنت مكتئب وبدوس علي نفسي واقول طب كمل علشان حياتك واهلي عارفين اني عندي اكتئاب حاد لكن محدش فيهم ساعدني مسمعتش منهم غير السخريه والاستهزاء انا كان بتحصلي حاجه من اول السنه كنت بذاكر الاسبوع كله كويس لكن كان لازم ييجي يوم في النص والاقي الإحباط زاد عندي ومقدرش اذاكر لحد ماجه شهر ٤ والموضوع خرج عن حده مش عارف اسيطر علي نفسي بحاول اقرب من ربنا لكن بعدها ببعد تاني وارجع لربنا تاني مش عارف استمر انا عايز بس ربنا يوفقني اني اذاكر بس يتحرق المجموع علي الاقل مكنش عايش في ندم اني معملتش اللي عليا ودايما في صوت جوايا اني ربنا مش هيوفقني ونهايتي هتبقا سوده وانا مصيري الفشل الاسبوع اللي فات في واحد ملحد دخل سيرفر علي ديسكورد انا موجود قال حاجه شككتني في نفسي وفي ربنا مش قادر انسي كلامه ومن ساعتها موضوع الإلحاد لازال في ذهني لكني بحاول اقاومه مش عارف اعمل ايه انا تعبت انا كنت شاطر في تانيه ثانوي مش عارف ليه السنه دي فشختني نفسيا انا حلمي اني استمر في المذاكرة وموقفش لحد مالامتحانات تخلص بس مش عارف اعمل كده ازاي لو حد عنده طريقه او مر بحاجه مشابهة ياريت يساعدني او حتي علي الاقل دعوه حلوه بالثبات