u/BookwormX7

اليومين الي فاتو في بوستات ناس يتناقش طول المنطلون او الشورط وشكل الركبه وركبه باينه ولالا ومين شعره برا طرحه ومين شعره جوا.

السوال الي حابب اساله هل الناس دي معندهاش اي أحداث في حياتها لدرجه انه وهو ماشي كل الي مركز فيه الهدوم والشعر بتوع الناس في الشارع؟

هل ده بقي بسبب تأثير المحتوي بتاع مين طلق مين ومين اتجوز وحماتها طابخه ايه وزعلانه من ايه؟

في ناس بتحاول تصيغ الكلام في شكل ديني بس الفكره لو الموضوع ديني فليه بيسيب الحقوق والظلم والمشاكل الاجتماعيه والفكرية والأخلاق والضمير وبيلف ويرجع للشعر والمنطلون؟

حابب اسمع اراءكم