u/Blueberry-Pie_

ليه المصريين و العرب بشكل عام بيهتموا اوي اوي بالفيديوهات السياحية اللي بتنزل عن بلدهم يعني يقولك صور بلدي بطريقة احسن او انت ليه رحت الحته دي بدل الحته دي و تلاقي الموضوع بيكبر و ينتشر و يكون ترند الكل يتكلم عليه "الفيديو الفلاني للأجنبي الفلاني" انا بقضي يومي كله على الميديا الامريكية حرفياً الكلام ده مستحيل يطلع من أمريكي او غربي بشكل عام مفيش حد مهتم صورة بلده ايه عند العالم الاخر محدش بيزعل ليه الفلوجر العلاني راح المنطقة الفقيرة او اللي فيها مدمنين في بلده بالعكس صحاب البلد هم اول ناس بيصوروا الحاجات دي و ينزلوها، بإختصار ثقافة "الناس تقول علينا ايه" مش بس عندك امك و ابوك دي طلعت ثقافة عربية بإمتياز واحد عايز سايح يجي بس ميصورش 80% من القاهرة الكبرى و يتجه مباشرة للتجمع و مدينتي و زايد عشان "كلام الناس".

اظن ان جزء من اسباب فشلي هو ان بشوف ان اغلب الفرص اللي حواليا (high effort low reward) يعني محتاج اتعلم برمجة سنين و بعد كده برضو المنافسه شرسه جدا و الرواتب مش قد كده و شبه مستحيل توصل للرواتب الكبيرة اوي دي، ده غير ان طبيعة العمل خلف شاشة بضان بالنسبة ليا، و هكذا بحس ان كل حاجه بتتطلب مجهود ضخم بس العائد ضعيف، اول ما استشعر ان مجهودي هيبقى ليه عوض محترم بلاقي نفسي بشتغل مثلاً مكنتش بروح جيم لأني مكنتش قادر على فلوس الاكل او ما ابوي بقى يساعدني في الموضوع ده التزمت سنتين و عملت فورمة انا شايفها محترمه، انتو ايه رأيكم، هل عندكم نفس الاحساس ؟