للأمانة ما احب نشر منشورات سلبية😍ولكنني لا زالت ايجابية في ظل الوضع البائس.
استلمت الشهادة اليوم وحسيتها لمسة لطيفة على الوضع البائس🙏🏼 إنّّ شاء الله ايام الجميع سعيدة وايجابية.
موجودة ببقالة المانع حي الروضة، اللي يبون جرايد حق تصوير ولا يحبون يقرأونها
هذي البقالة من زمان تبيع جرايد وكان عندها حامل جرايد بس شالوه الحين ومخفي عند المحاسب
كان عندهم جريدة اليوم والشرق الاوسط وجريدة انجليزية عرب نيوز الحين ما اعرف اذا يوفرونهم للحين بس كانت موجودة جرايد حاليًا.
جريدة اليوم بريالين، ولكن الصراحة اخبارها مب ذاك الزود كلها اخبار محلية عادية مب زي قبل
الشرق الاوسط شاطرين وعندهم محتوى متنوع .
والحلو أنه الجرايد الورقية لها نسخة خاصة وغير عن اللي بالموقع الالكتروني وممتعة اكثر وفيها كلمة لرئيس التحرير وعمود وهذي السوالف واحيانًا يحطون كتابات طلاب.
طبعًا هذي شركات فقر وبخيلة بدال لا تستخدم موارد بشرية يبون اي شيء عشان يوفرون تكاليف ورواتب🤣
واكبر مثال عندكم شركة ميتا بعد ما سرحت موظفينها وخلت ذكاء اصطناعي يحل مكان البشر.
الحين تطبيقات اللي ماسكتها ميتا فيها ثغرات وفوضى وممكن لو ما حلت الموضوع راح تقل قاعدة مستخدمينها ويتم مقاطعتهم اصلًا هم الناس تدور عليهم اي زلة وهذي الخطوة مدمرة.
ما اثق في اي شركة تعزز لروبوتات على حساب بشر
احس هالمدراء التنفيذيين ساديين ويقل احترامي لهم واشوفهم بمظهر اغبياء خبيثين.
اي شركة تسوي هالحركات راح اشيلها من قائمة الشركات اللي اطمح اتوظف فيها💅
طبعًا في اعمال درامية عربية كانت تروج لهالشيء يتزوجها وهي تحمل وتجيب لهم عيال بعدها يتطلقون
وفي اعمال هندية وانجليزية وفيها الام البديلة تتعلق بالأب
وبالاعمال هذي يجيبون بنات فقيرات أو مسكينات يخوضون هذي التجربة وهذا الحال في الواقع في بعض الدول
لكن في امريكا ممكن يكون في ناس راضية بهالشيء وتتطوع وتستانس انه تجيب عيال لاحد ثاني رغم انه وضعهم عادي مش سيء.
الصراحة اشوفها تجربة قاسية جدًا للمشاعر والنفسية
خصوصًا انه بعد الولادة الام البديلة بتعاني من آثار ما بعد الولادة وبتصير اضعف من قبل، ولكن ما عندي علم كافي
اذا كان الطفل بيحمل صفات الأم البديلة أو الأم البديلة بتتعلق فيه خصوصًا اذا كانت مش بويضتها.
في ناس تحس الأم البديلة هي الامل الوحيد والمنقذ للعوايل اللي ما تنجب، ولكن انا اشوفه كويس هالأمر محظور لانه جريمة بحق البشرية ولخبطة وفوضى
اللي مب قادر يجيب يحتضن أو يدور مليون طريقة، ولكن لاحظت الفئة اللي تلجئ لهذا الشيء هم فئة الأغنياء أو الأثرياء ما عندهم واحد اثنين على طول يلجئون للأم البديلة.
طبعًا ما قرأت هذا الكتاب ولكن شفت هالعبارة بالصدفة
في شخص كان كاتب انها تعني لكل واحد منا وطنه اللي فقده مثل ما كانت غرناطه وطن وفقدها المسلمين.
ولكن انا اول ما قرأتها اللي فهمته: انه كل شخص له فترته الذهبية وفترة مليئة بالروعة زي مدينة غرناطة
يعني لكل شخص شيء يحبه زي جمال وعراقة غرناطة، انتوا ايش تفسيركم؟
اول شيء كانت المنشورات في اغلب التطبيقات ترجمة قوقل
والصراحة ترجمة شوي فاشلة وممكن تكون مفيدة للمتعلم وعنده ثقافة تكون مجرد تفكيك مفاتيح. والصراحة ما كان احد كثير يلتفت لها ولا يفهمونها من بلدان مختلفة يعني ممكن برازيلي يشوف منشور روسي ولا يهتم له وخصوصًا انها مش مترجمة تلقائيًا ولكنها بترجمة قوقل وما تطلع الا لما تضغط عليها.
لكن الحين الترجمة بالذكاء الاصطناعي متطورة مرة وممكن تكتب بلهجات مختلفة، اشوفها قربت العالم من بعضه
والحين صار كشف الحقيقة اسهل لأن بعض الوسائل الإعلامية كانت تستغل جهل الناس بالمعلومات عشان اختلاف اللغات وكانوا يقدرون يصنعون صورة نمطية بشكل سهل ويشوهون سمعة ويسوون حملات سوداء.
نسمع دايم بمفهوم القرية الواحدة ولكن الصراحة ما كان مفهوم واضح حتى الحين لأن صحيح اللغة الإنجليزية هيمنت على العالم بس في فجوة علمية بين افراد المجتمع مب الكل يعرف يتكلم انجليزي، فالمعلومات تصير محدودة للمتعلمين بس ولا ننتظر صناع المحتوى أو المترجمين ينقلون لنا المعلومة.
الحين الترجمة التلقائية مكنت مفهوم القرية الواحدة
بحيث انك تكتب بلغتك بكل اريحية وبنفس الوقت تشوف شخص يرد عليك بلغة نادر التحدث فيها ولكن تفهمه بسبب الترجمة التلقائية، وهذا الشيء حلو وخلى الناس متشاركين ومتقاربين وراح يحل مشاكل كثير.
صحيح الترجمة التلقائية شوي فيها عيوب بس مع الوقت راح تتطور لأن أدوات الذكاء الاصطناعي لا زالت تحت التطوير.
اتمنى هالرسالة حفزتكم🙏🏼💕 عشان تجتهدون بالدراسة
keep fighting