وحدة
مرحبا، أنا عمري 24 ، communication engineer ، أبوي متوفي من عمري١٥ و أمي عندها مشاكل على عدة أصعدة، ف كنت كثير أفكر بأخواني و بحالي و بأمي و بالبيت و ضغط مش طبيعي، قدرت أشتغل بأحسن شركة أي تي بالعالم بمجالها و الها برانش بالأردن ،و بخاف احكي اسمها لانه الستاف كله على قوقل😂و** كنت بمكان كلهم ناس فرصهم كانت احسن مني، بس انا بينهم الان لأني هلكت حالي internshi**p و** امتحانات انترناشونال ( عارفين نكدها)** و** قدرت أجيب راتب فلكي بالنسبة الي و بعمري يعني شغلة 20**x الحد** الادنى للأجور و أنا بحمد الله على كل تفصيلة، و بس أخر فترة صرت أشوف الي حوالي و أستوعبت الي انا كنت عايشه، معي شباب بقدروا يتركوا اهلهم سنة كاملة و ما يصير فأهلهم أشي، بصحى و بنام و هو مو هاكل هم إلا حاله ، مش حامل إلا مسؤولية حاله، و هاي حزت بقلبي شوي، كان نفسي أعيش هاي الحياة ألي فيها أبوي بقدر يعيش لحاله، و أهلي مش بحاجتي، و أقدر ارتاح من كل الضغط الي صار، لما أشوف أم او أب بوصل أبنه على المدرسة او الجامعة ، هاذ بالنسبة الي ساينس فكشن ،مش عارف كيف أتخطى هاي النقطة ولا قادر أشيلها من بالي، و بسبب هاذ الاشي بطلت قادر أقرب من حدا حرفيا كثير، صرت أحس أنهم مش فاهمينني ،حتى رفاهية أني أحكي اني مش ملاقي شغل و أشكي ،ما كانت عندي. لأني جد كنت بدي اشتغل، حتى أني بطلت قادر أني أتقبل كثير منهم، وحدة بتقلي أنها زعلانة عشان الشنتة سولد اوت و قصص هبلة ،مش قادر أتعامل مع هاذ الشعور ولا بعرف من وين أبلش،و ما بعرف كيف أشيل فكرة أنه حياتي كم كانت رح تكون حلوة لو أهلي **طبيعين…