u/Best_Abrocoma7166

اخوي يحب بنت عمتي وهي همين تحبه
بس شخصيتها كلش مستفزة وتعاند والشغلة ترص عليها رص حرفيا حتى ما تحترم امها وابوها
بس تعامل امي بشكل لطيف
بالنسبة لاهلي ما يقبلون بالاقارب ولا اهلها همين
وهي من النوع الي تحجي بوجهك شكل ووراك شكل وتحلف جذب همين
كلش احبها حالها حال خواتها بس هالعيوب البيها مخربتها
اجتلي امس تكلي انت قريبة على خواتي ومو قريبة علي كلت لها هم يحجون وياي ويكعدون يمي ويفتحولي كلبهم انت ما تسوين هيج يعني طبيعي الي يحجي وياي هم اخذ وانطي وياه عبالي حلينا سوء الفهم هذا بس ابد بالنسبة الها ما انحل
اختها كالت لاخوي اذا صارت واخذتها ابعدها لا تصير مشاكل كال لها انا عندي قطعة ابنيها واخذها
واصلا هي القطعة مالتي وبأسمي 🤡
المهم انا ما اظنه يحبها علمود شخصيتها ويدري بيها جانت تحجي وي غيره قبل
ليش ما اظن علمود شخصيتها لان اولا ماكو شي يسعف الشخصية ثانيا مرة من المرات كالي حاولي تغيرينها ،خير برو انا شكو ببنت الناس حتى اغيرها واذا تحبها وتحبك انت كوللها هالحجي
الموضوع جدا مزعج
وشغلة ثانية هي من النوع الي ما يحترم الخصوصية لو ما عندي مرض الوسواس القهري واعصب على الي يلزم اغراضي هم جان ما احترمت خصوصياتي
كلش كلش كلش منزعجة انا لان كلشوي تكول على انو انا ما احبها وانا حرفيا نو رياكشن ولا اطلع من غرفتي اصلا وبس الي يحجي وياي احجي وياه ومهتمة بشغلي ودراستي فعجيب جدا
انطونا رأيكم واذا اكو حل فيدونا
وكلش ضايجة على اخوي والله

عدنا مشروع انا وزملائي ونحتاج بي طباعة ثري دي

اكو بيج مختص بهذا الامر ؟ فيدونا