حل لمماطلة الصلاة
السلام عليكم ، لأي واحد راهو يقرا هاد البوسط عندو إجابة مرحبا به يشاركنا بيها ، و إذا كان واحد إنتقاذ روح أخويا / أختي الله يسهل .
في الآونة الأخيرة كانت عندي بزاف لاشارج في حياتي من الاختبارات وين فوت فايت 3 إختبارات في شهر واحد ما بين كل اختبار لم تتجاوز 15 يوم ، في هذاك الوقت كنت نورمال في الصلاة ( هاذي 4 سنوات لم أقطعها و أصبحت منتظمة فيها الحمد لله ) شغل نوض الصباح نصلي الصبح من موراها نروح لافاك مانقدرش نصلي الظهر و خطرات العصر بصح كي نجي لدار كنت نصليهم كامل ،
في الآونة الأخيرة و اللي هي هاذ الأسبوع الله يستر مارانيش نقدر نوض نصلي و راه عندي مماطلة كبيرة جدا ، شغل نوض صباح نقول حتى نستقهوا و نخمل الحالة و نقرا باش نصلي الصبح وين يكون أذن عليا الظهر و خطرات حتى العصر ، و كي نسمع المغرب يأذن أو كاش حاجة نقول حتى يأذن العشاء و نصلي ، ماراهيش عاجبتني هاذ الحالة نهائيا . و كانت واحد النهار جيت طافية من لافاك كنت نتمشى بسيف رحت ديراكت رقدت بلا ما نصلي .
كاش حل الله يرضى عليكم لأنه هاذ الحالة تكسر الخاطر .
شكرا مسبقا