يجماعة اذا هالحكي صحيح. هاي رح تكون اكبر صدفة بتاريخ الاردن.
اختصرلكوا السالفة وانتوا احكموا.
امبارح وانا مروحة متأخرة كثير بالليل من الجامعة انقطعت على جسر مادبا، زتني الباص هناك وتلفوني فاضي شحن وجيبتي فيها شلن ومعي شنتة كبيرة. طلعت الجسر وانا ببكي وكل المكان كلاب وما بدي اسال حدا عشان ما يعرف اني مقطوعة ويخطفني ومافي حدا اسأله اصلا. المهم فجأة مر شب بسيارته ووقفني ويضحك لانه عرفني وعرفته طلع من دفعتي ويضحك علي لاني مقطوعة وببكي. المهم وصلني البيت واتبهدلت مش بس من اهلي من الحارة كلها.
الصدفة مو هون . الصدفة انه وهو بسوق كان فاتح على ريديت وعادي يعني ما اهتميت كله تطبيق. بس وانا قاعدة ورا شفت اسم حسابه وفي رقم 67. هسا المشكلة اكثر حدا بكرهه هون بالصب في بحسابه رقم 67 وانا مبلكيته طبعا كويس انه ما رح يشوف البوست.
بس المشكلة اذا طلع هوا عنجد هيك يعني اكثر حدا بكرهه صار يعرف وين انا ساكنة. واكثر حدا بكرهه بالصب طلعت بعرفه بالجامعة وشبه صحبة معه. واكثر حدا بكرهه عالنت عمل معي معروف كبير بالحقيقة.
بعرف انه في مليون حساب في رقم 67 بس صار عندي فضول اعرف واسأله اذا هوا ولا لا. كيف ممكن اعرف؟