انا طالب جامعة بدرس هندسة معلوماتية سنة رابعة، مفلس وعم حس بالفشل واني مخنوق.
من وين عم تجيبو مصاري او كيف الواحد ممكن يجيب مصاري ما بدي هالرفاهية بس بدي عيش، قاعد بالبيت لا عم روح محل ولا عم اعمل شي بس عم ادرس وقلب بهالانترنت لان مافي مصاري حتى مشاوير مع الرفقات ما عم انزل.
يعني اذا الواحد لقا شغل ما رح يكون اكتر من ١٠٠-١٥٠ دولار بالشهر وعبارة عن عبودية من وجه الصبح لاخر المسا وهي غير تكلفة المواصلات يلي بدا تكون نص الراتب وغير انو الشغل رح يكون على حساب الدراسة لان ما بيبقى للواحد وقت يدرس وخصوصي عندي ضغط ومشاريع للجامعة من هلق لاتخرج.
يعني الواحد يقعد بالبيت ويدرس ويقضيها هيك بهالنفسية ومفلس هاد غير انو النفسية الزبالة بتخلي الواحد ما يدرس ولا يروح يشتغل بشغل شو ماكان منشان يطلعلو باخر الشهر ب ٥٠ دولار يفرح حاله فيها يومين ؟
ولا تقولوا بتفرج بعد التخرج شفت المتخرجين كيف لا شغلة ولا عملة
عبالي كتير شغلات اعملها وشغلات بسيطة وشغلات لطور حالي ودراستي بس كلو بدو مصاري
شو ممكن اعمل شو في شي ممكن يجبلي مصروفي على الاقل ؟
ماني من النوع يلي بيطلب من اهله مصاري ولا بشوفها مقبولة حدا بعمري يطلب من اهله مصروف