​
هاد البوست او الصورة من السوشال ميديا. انا عندي فضول بس أعرف شو السبب (بعض النظر لو بتوافق او بتعارض مع هالشخص مثلا) اللي بيخلي الناس والحكومة يوقفوا دايمًا ضد أي حدا بيحكي رأي بيعارض الدين أو السياسات أو العادات والتقاليد المتخلفة، أو أي خط أحمر من المليون خط أحمر يلي موجود عنا.
أنا عن حالي ما بعرف هاد الشخص، ولا حتى بتفق معه على الأغلب بكتير أشياء، بس فكرة إنو أي حدا بيدعو للتفكير الفردي، وإنك تشغل مخك بدل ما تسمع كلام أي حدا بدون تفكير، ممكن يتم تهديده فيها بالحبس، لانو هالشي بصراحة منتهى التخلف.
ليش صعب نفهم ونتقبل إنو العالم من حقها تفكر وتحكي زي ما بدها، ونحنا بالمقابل أحرار بالرد عليهم بشكل حضاري وبدون شخصنة، وبدون ما نروح على محاكم أمن الدولة أو المخابرات إذا انتقدنا أي شي؟
بالنسبة لكل شخص مبسوط بهالخبر، بحب أذكركم كيف كنتوا تتباكوا إنو الحكومة منعتكم من أبسط حقوقكم بالتظاهر ضد أي من السياسات الموالية لأمريكا وإسرائيل. فرحك بمصادرة حرية غيرك رح يرجع عليك بالآخر. Update: انا سالت هون للنقاش عن حرية التعبير، بدي حد يرد علي بشكل منطقي عن حرية التعبير، اعتبر اني بتفق معك وماني مؤيد لاراء هاد الشخص، بس انا مؤيد لحريته بالتعبير عن افكاره.