نموذج غير صالح للاقتداء
عندي مشكله ومش عارفه حاسه ان حلها اني اتجاهل واعيش لحد ما اسيب البيت..
المهم ان بابا طول الوقت اسفه ف اللي هقوله بس علطول ايديه بتكون ع عضوه ده طول الوقت كده وانا مش صغيره والله بحاول مبصش ناحيته خالص وبقعد معاهم لحد ما ناكل ونشرب بالعافيه وبتمنى أنه ينام عشان اقعد براحتي بجد الموضوع مزعج جدا والله اعلم هو ف دماغه حاجات وحشه ولا مجرد اتعود ع الحركه دي لا إراديا يعني
وسألت اختي المتجوزه افهم بس هل ده طبيعي يعني وجوزها بيعمل كده والمفروض نتغاضى لحد ما ربنا يسهل وامشي من البيت عشان اختي برضوا كانت واخده بالها من الموضوع ده من زمان برضوا بس قالتلي أنه ده مش طبيعي
ف بصراحه ربنا يسامحني لو ده حرام بس انا بخاف من بابا ومش بكون مرتاحه طول ما هو صاحي وقاعد بقوم احطله آكل وكل طلباته بعملها وبعامله كويس عشان ربنا بس من جوايا أنا مش ببقا مرتاحه وبحس أنه مش محِترم أننا بقينا كبار وفاهمين كل حاجه خلاص وبيقول مصطلحات مقرفه كده وهو بيتفرج ع التليفزيون ع اساس أننا مش فاهمين
لله الامر بجد انا نفسيتي تعبانه جدا و محتاجه منكم تقولولي هل ف حل اصلا ولا اتغاضى واعمل مش واخده بالي زي ما بعمل
وهل ف آباء بيعملوا كده ولا لا عشان بجد حزينه جدا أن بابا مش قدوه حسنه لينا زي ما بتمنى ولا اقدر اقعد معاه اتناقش واخد منه نصيحه دينيه مثلا مفيش الكلام ده كلامه كله للاسف تافه