​
انا شخص احب التجارب الغريبة والخارجة عن المألوف وقبل فترة نزلت هذا البوست:
https://www.reddit.com/r/ArabsFreedom/s/xHmolFZ7rh
الفكرة باختصار ابي بنت تنام معي في مكالمة صوتية.
الهدف من التجربة هو التخلص من شعور الوحدة والاحساس بالأمان.
للأمانة الاقبال كان ضعيف 4 بنات فقط كلموني على الخاص
وحدة بطلت ترد واثنين غيروا رأيهم بسبب انهم يحسونه ذا شيء مرة "رومانسي وجنسي" وماينفع الا مع الحبيب او الزوج.
التجربة تمت مع بنت فقط وبالمناسبة هي كانت وحدة من اللي جربت معهم تجربة الكتاب (بنت تقرأ لي كتاب بصوتها).
جربنا عدة تجارب، لعدة أيام
أول تجربة:
كانت تجربة فاشلة والسبب مافي صوت يطلع من عندها اول مابدينا ننام وكان نفس الاحساس اني انام لحالي.
التجربة الثانية:
عدلنا اعدادات الديسكورد وقربت المايك من فمها وصرت اسمع انفاسها وانام عليه وهذا الشيء استمر لكل التجارب وكانت تجربة اسطورية فعلا حسيت بالأمان وراح شعور الوحدة وللأمانة بدأت تتكون مشاعر وصرنا ننام يوميا سوا لمدة شهر وتعلقنا ببعض واذا فيه يوم ماقدرنا ننام مع بعض تحس فيه شيء غريب وغلط.
كانت فيه عشوائيات كثيرة صارت في التجارب مثلا لما ام البنت تدخل تصحيها في الصباح وانا اصحى معها على صوت أمها 😭😭
وصارت اشياء كيوت يعني مثلا في مرة شافت كابوس وصحيت خايفة نادتني وهديتها ومانمت الا بعد ماتأكدت انها نامت قبلي ووالله جاني احساس حلو وقشعريرة
و لاحظت في الفترة الأخيرة صار يطلع صوت عالي (شخير) كان مزعج الصراحة.
بس بشكل عام التجربة ممتازة وانصح فيها وافضل شعور لما هي تصحيني على صوتها الناعم وتقولي صباح الخير بدل صوت المنبه!
تقييمي النهائي 9.5/10 بشرط الطرف الثاني مايشخر وغرفته هدوء ويقدر يعدل السماعة بحيث تسمع صوت انفاسه.