اخوي و حبيبته
اخوي بسنة 2019 تعرف على وحده عراقيه وهي أصغر منه بسنه، كانوا يتكلمون بشكل يومي من اول ماتعرفوا حتى بسنه 2020 شهر أغسطس اختفت البنت، من يوم ما اختفت اخوي يقول خاف عليها و حس بمشاعر اتجاهها و قرر يدور لها و بنهاية سنة 2021 جلس يبحث عنها لين لقى حسابها لكن لقاها عن طريق ولد يقول انها تكلمه، اخوي كلمها و سأل عن احوالها اخوي حب ينتظر اسبوع و يعترف لها بحبه لها لكن مامر اسبوع الا و البنت رجعت اختفت اخوي يقول انه حس انها ماتبي تتكلم معاه اخوي يقول ما استسلم و بحث عنها ثاني حتى سبتمبر 2022 اخوي يقول لقى حساب جديد لها و ما تحمل و قررت يقول لها، اخوي حاط بباله انها يا ترفضه و خلاص يوقف يجري وراها او تقبل فيه، كلم البنت و اعترفت لها و البنت فورا قبلته، اخوي جلس يتكلم معها سنه جلس اربع اشهر يقنع ابوي يروحوا لدولة البنت ويحجزها له حتى ابوي وافق، لكن البنت بالنهايه اعترفت لها انها شيعيه و قالت انه اخوانها مارح يقبلون فيه لانه سني، اخوي قال عادي بكذب عليهم اهم شي انتي تصيري من نصيبي اخوي و ابوي و امي رتبوا للسفره لكن قبلها بيومين في ديسمبر 2023 البنت اختفت وما صارت تكلم اخوي اخوي حاول يوصل لها لكن بدون فايده و تكنسلت الرحله اخوي وقتها وجه شحب و خاف صار لها شي و حاول من وقتها يدور عليها لكن المره هذي مالقى لها اي شي لكن استمر يبحث حتى رمضان هذا، كان متحمس لانه بيلعب لعبة كان ينتظرها و بتنزل برمضان لكن قبل نزول اللعبه بكم يوم جته رساله منها انه يوخر عنها ولا يكلمها لأنها متزوجه وقريب بتولد بيبي اخوي ما صدق اول ماشف لانه مايعرف شكلها بس يدها لكن لما دخل حساب البنت اكتشف انها فعلا متزوجه و مقبله على طفل ما شاء الله اخوي وقتها تعب جدا و ماقدر يصوم ٤ ايام بسبب الضغط و حتى الآن اللعبه الي كان متحمس لها مالعبها ولا صار يطلع الا للمسجد و طول وقته حتى ما يتكلم كثير وقطع الجيم من ٤ سنين استمرار عطونا حلولكم له حاولوا اهلي يكلمونه انه يخطبون له بنت ثانيه ممكن ينساها لكن رفض وحاولوا يكلمونه يبدأ يشوف حياته و مايوقف عمره عليها لكنه مو راضي عطونا حلولكم ممكن احد منكم يفيدنا